Day: February 14, 2022

මෙල්බන් හෝටලයක රිය ගාලකදී ඉන්දීය පවුලක සාමාජිකයන් පිරිසකට පහරදීමක් සිදුවී තිබෙනවා. අවුරුදු 54 ක පුද්ගලයෙකු මෙහිදී බරපතල ලෙස පහරකෑමට ලක්ව රෝහල්ගත කර ඇති බවයි වාර්තා වන්නේ. වහාම ඔස්ටේ්‍රලියාවෙන් පිටව යන ලෙස පහරදුන් පිරිස විසින් ඔවුන්ට අනතුරු ඇගවීමක් සිදුකර තිබෙනවා. තුවාල ලැබූ පුද්ගලයාගේ තත්වය තරමක් අසාධ්‍ය බව සඳහන්. සිද්ධියට සම්බන්ධ 29 හැවිරිදි තරුණයෙකු අත්අඩංගුවට ගැනීමට වික්ටෝරියා ප්‍රාන්ත පොලිසිය විසින් විමර්ශන ආරම්භ කර තිබෙනවා. https://www.9news.com.au/national/family-assaulted-in-alleged-racist-attack-outside-lynbrook-hotel-melbourne/53c8ce9f-beee-4e0b-ab23-ae26e4779165

පක්ෂ විනය කඩ කිරීමේ චෝදනාව මත වික්ටෝරියා මන්ත්‍රීනී Kaushaliya Vaghela පක්ෂයෙන් නෙරපා හැරීමට ලේබර් පක්ෂය තීරණය කර තිබෙනවා. පක්ෂ තීන්දුවට පටහැණිව පසුගිය සතියේදී ඡන්ද විමසුමකදී කටයුතු කිරීමයි ඇයට එරෙහි චෝදනාව වන්නේ. කෙසේවෙතත් තම හෘද සාක්ෂියට අනුව ඡන්දය ප්‍රකාශ කල බවයි ඇය පසුව නිකුත් කල නිවේදනයක දක්වා තිබුණේ. ඉන්දීය සම්භවයක් සහිත Kaushaliya Vaghela මන්ත්‍රීනිය චෝදනා කර තිබුණේ ප්‍රාන්ත අගමැති ඩැනියල් ඇන්ඩෲස් ගේ ක්‍රියාකලාපයද අනුමත කල නොහැකි බවයි. https://www.theage.com.au/politics/victoria/alp-moves-to-expel-rogue-mp-kaushaliya-vaghela-20220214-p59wa0.html?utm_medium=Social&utm_source=Facebook&fbclid=IwAR2apcWZsI8Yt9Nl-0EpLRrTSOhB1cjdkTzH5qYP4QajJ8EA1b5Qj2VnlkM#Echobox=1644815003

දැනට ඔස්ටේ්‍රලියාවෙන් බැහැරව සිටින අයදුම්කරුවන් විසින් යොමුකරන ලද දකුණු ඔස්ටේ්‍රලියා පුහුණු නිපුණතා ශ්‍රමික අයදුම්පත්වලින් තවත් රැකියා 259 ක් සඳහා ROI භාරගැනීම ලබන බදාදා සිට ආරම්භ වනවා. ඇඩිලේඩ් වේලාවෙන් බදාදා (16) පස්වරු 02 සිට මෙම අයදුම්පත් භාරගැනීම සිදුවනු ඇති. කෘෂිකර්ම – ඉදිකිරීම් – නිෂ්පාදන – තොරතුරු තාක්ෂණ ආදී ක්ෂේත්‍ර රැසකට අදාළව මෙවර දකුණු ඔස්ටේ්‍රලියා පුහුණූ නිපුණතා ශ්‍රමික ලැයිස්තුව යාවත්කාලීන කර තිබෙනවා. මෙම සමස්ත රැකියා ලැයිස්තුව : https://www.migration.sa.gov.au/occupation-lists/south-australia-skilled-occupation-list