ඉන්දියාවෙන් මූල්‍ය පහසුකම් ලබා ගැනීමට අදාළ ගිවිසුම් අත්සන් කිරීමට මුදල් ඇමති බැසිල් රාජපක්ෂ ඉදිරි දින කිහිපයේදී යළිත් ඉන්දියාවේ සංචාරයක නිරත වීමට නියමිත බව විදේශ අමාත්‍ය ජී එල් පීරිස් පැවසීය.
ඒ අනුව ඩොලර් බිලියනයක ණය පහසුකමක් ලබා ගැනීමේ ගිවිසුමකට එහිදී අත්සන් තැබීමට නියමිත බවත් හෙතෙම පවසයි.
ජනතාවට අවශ්‍ය ආහාර හා අත්‍යවශ්‍ය ද‍්‍රව්‍ය ලබා ගැනීම සඳහා එම මුදල හිමිවන බවද ඇමතිවරයා පැවසීය.
මුදල් අමාත්‍යවරයා පසුගියදා සිදු කළ ඉන්දියාවේ ඉන්දියානු සංචාරය අතිශය සාර්ථක බවත් ඇමතිවරයා පැවසීය.
ඇමරිකානු ඩොලර් බිලියන 2.4ක ණය පහසුකමක් ලබා ගැනීමට හැකි වූ බවත් මෙම බිලියනය එහි මුල් අදියර බවත් විදේශ අමාත්‍ය ජී එල් පීරිස් සදහන් කලේය.
