Day: August 13, 2021

වික්ටෝරියා ඉතිහාසයේ විශාලතම ලොතරැයි දිනුම එනම් Powerball jackpot ඩොලර් මිලියන 80 ක ජයමල්ල දිනාගෙන ඇත්තේ Lockdown සමයේ රැකියා අහිමිවූ පිරිසිදු කරන්නෙකු (Cleaner) විසින් බව තහවුරු වී තිබේ. මෙල්බර්න් උතුරු ප්‍රදේශයේ පදිංචිකරුවෙකු වන ඔහු දෙදරු පියෙකි. Lockdown තත්වයට පෙර තමන් විසින් නිවසක් මිළදී ගත් බවද රැකියාව අහිමිවීමත් සමග ගැටලු රැසකට මුහුණදීමට සිදුවූ බවද නම හෙළි කිරීමට අකමැති වූ මෙම තැනැත්තා සඳහන් කර තිබිණි. මෙම මුදලෙන් පළමුව නිවසේ උකස ගෙවා අවසන් කිරීමටත් ලබාගෙන තිබූ සියලු ණය ගෙවා

ගතවූ පැය 24 තුළදී නිවු සවුත් වේල්ස් ප්‍රාන්තයෙන් තවත් කොවිඩ් ආසාධිතයන් 390 දෙනෙකු හඳුනාගෙන තිබේ. එය මේ දක්වා එක් දිනයකදී NSW ප්‍රාන්තයෙන් වාර්තා වූ වැඩිම ආසාධිතයන් සංඛ්‍යාවයි. ගතවූ පැය 24 තුළදී ප්‍රාන්තයෙන් මරණ 02 ක් සටහන්වී ඇත. වයස අවුරුදු 70 ක් පමණ වන පිරිමි අයෙකු සහ අවුරුදු 40 ක කාන්තාවක ඒ අතර වනවා. මේ අනුව වසංගතය ආරම්භයේ සිට සිඩ්නි නගරයෙන් සටහන්වූ මුලු කොවිඩ් මරණ සංඛ්‍යාව 95 දක්වා වැඩි වේ. නිවු සවුත් වේල්ස් ප්‍රාන්තයේ ඊයේ දිනය

අප ජලයේ තිබී කොවිඩ් වෛරස් කොටස් හමුවීම හේතුවෙන් මෙල්බර්න් නගරයේ උප නාගරික ප්‍රදේශ 08 කට අවධානම් නිවේදන නිකුත් කර තිබේ. එම ප්‍රදේශ වන්නේ Balwyn Camberwell Canterbury Mont Albert Surrey Hills Tarneit Truganina Williams Landing පසුගිය 08 වනදා සිට 11 වනදා දක්වා කාලය තුල මෙම ප්‍රදේශවල සිටි කවරෙකු හෝ වෙතොත් වහා රෝග ලක්ෂණ පිළිබඳ අවධානය යොමු කර කොවිඩ් පරීක්ෂණයකට යොමු වන ලෙසයි දන්වා ඇත්තේ. ඊයේ දිනයේදී වික්ටෝරියා ප්‍රාන්තයෙන් කොවිඩ් ආසාධිතයන් 15 ක් හමුවිය.

ගතවූ පැය 24 තුළ සිදුකළ කොරෝනා පරීක්ෂණ හරහා වික්ටෝරියානු ප්‍රාන්තයේ ප්‍රජාව අතරින් තවත් ආසාදිතයින් 15 ක් හමුව ඇති බව වික්ටෝරියා සෞඛ්‍ය දෙපාර්තමේන්තුව පවසයි. මේ අනුව මේ වන විට වික්ටෝරියා ප්‍රාන්තයේ සිටින සක්‍රිය කොරෝනා ආසාදිතයින් සංඛ්‍යාව 148 කි. ඊයේ දිනයේදී (12) වික්ටෝරියා ප්‍රාන්තය තුළ කොරෝනා පරීක්ෂණ 40,737 ක් සිදුකර ඇති අතර කොරෝනා එන්නත් මාත්‍රා 27,427 ක් ලබා දී තිබේ. https://twitter.com/VicGovDH/status/1425950746160230404?s=20

Lockdown තත්වය හමුවේ බලපෑම් එල්ලවී ඇති වික්ටෝරියා ප්‍රාන්තයේ ව්‍යාපාර 100,000 කට පමණ මූල්‍ය ප්‍රතිපාදන හිමිවීමට නියමිතව තිබේ. ඒ වෙනුවෙන් වෙන්කර ඇති මුලු මුදල ඩොලර් මිලියන 367 කි. වික්ටෝරියා ප්‍රාන්ත රජය සහ ෆෙඩරල් රජය අතර ඇති කර ගත් එකගතාවයක් අනුව මෙම මුදල් ලබාදීමට නියමිතය. එක් ව්‍යාපාරයකට ඩොලර් 10,000 ක උපරිමයකට යටත් වන ප්‍රදානයක් මෙහිදී හිමිවනු ඇත. කොවිඩ් වසංගතය ආරම්භවීමෙන් පසු මෙල්බර්න් නගරය Lockdown කෙරුණු 06 වන අවස්ථාව මෙයයි.