2022 වසර වන තෙක් ඔස්ටේ‍රලියාවේ පාසල් සිසුන්ට කොවිඩ් එන්නත ලබා දීමට නොහැකි වනු ඇති බවට අනාවැකි පළවනවා.
දැනට මෙරට වයස අවුරුදු 16 ට වැඩි ඕනෑම අයෙකුට ෆයිසර් එන්නතද 18 ට වැඩි ඕනෑම අයෙකුට ඇස්ට්‍රා-සෙනෙකා එන්නතද ලබාදීමට අනුමැතිය හිමිවී ඇත.
එහෙත් පවතින එන්නත් හිගය හමුවේ ළමුන්ට දීමට තරම් එන්නත් නොමැති බවයි නියෝජ්‍ය ප්‍රධාන වෛද්‍ය නිළධාරී මහාචාර්ය මයිකල් කිඩ් සඳහන් කලේ.
එමෙන්ම ළමුන් සඳහා පමණක් ඉදිරයේදී වෙනත් එන්නතක් නිපදවනු ඇතැයි අපේක්ෂාවෙන් සිටින බවද ඔහු ප්‍රකාශ කලා.
කෙසේවෙතත් අවධානම් සහගත වයස් කාණ්ඩ වල සැළකිය යුතු පිරිසක් එන්නත්කරණයට ලක් කිරීමෙන් පසු ඔස්ටේ‍රලියාවේ ළමුන් ටද කොවිඩ් එන්නත දීමට හැකිවනු ඇති බවයි මහාචාර්යවරයා වැඩිදුරටත් සඳහන් කලේ.
