ස්මාර්ට් දුරකතනවලට ඇබ්බැහි වීම අනුව රටවල් ශ්‍රේණිගත කිරීම් ඇතුලත් නවතම වාර්තාවක් නිකුත් කර තිබෙනවා.
ඒ අනුව ස්මාර්ට් දුරකතනවලට වැඩි වශයෙන් ඇබ්බැහි වූ රටවල් අතර චීනය පළමු ස්ථානයට පත්ව ඇති අතර එම අගය සියයට 36.8ක් ලෙසටයි සටහන් වී ඇත්තේ.
එම ශ්‍රේණිගත කිරීම් අනුව දෙවන සහ තුන්වන ස්ථාන පිළිවෙළින් සවුදි අරාබියට සහ මැලේසියාවට හිමිවී තිබෙනවා.
එම ශ්‍රේණිගත කිරීමේ ඔස්ට්‍රේලියාවට හිමිව ඇත්තේ 11 වන ස්ථානය වන අතර ඔස්ට්‍රේලියානුවන් ස්මාර්ට් දුරකතනවලට ඇබ්බැහිවීමේ අගය සියයට 28.61 ලෙස සඳහන්.
ලොව පුරා විවිධ රටවල්වල ස්මාර්ට් දුරකතන භාවිත කරන ප්‍රජාව ඉලක්ක කරගනිමින් මෙම අධ්‍යයනය සිදු කර තිබුණා.
එම ශ්‍රේණිගත කිරීමට අනුව ඉන්දියාවට 17 වන ස්ථානය හිමිවන අතර එරට ස්මාර්ට් දුරකතන භාවිත කිරීමේ අගය සියයට 27.2ක්.
රටවල් 24ක් අදාළ ශ්‍රේණිගත කිරීමට ඇතුලත් වන අතර කැනඩාව 7 වන ස්ථානයටත්, ඉතාලිය 11 වන ස්ථානයටත්, ඇමරිකාව 18 වන ස්ථානයටත් නම් කර තිබෙනවා.
