බලු පැටවුන් 7 දෙනෙක් මහ මඟ දමා ගිය ඇඩිලේඩ් යුවලකට ඩොලර් 40000ක දඩ මුදලක් නියම කර තිබෙනවා.
ඇඩිලේඩ් පොලීසිය සඳහන් කළේ මෙම බලු පැටවුන් 7 දෙනා වාහනයකින් පැමිණි යුවලක් විසින් මෙලෙස පාලු ස්ථානයක අතහැර දමා ගොස් ඇත් බවයි.
සී සී ටිවි දර්ශන පරික්ෂා කිරීමේ දී සැකකරුවන් අත්අඩංගුවට ගැනීමට හැකිව ඇති අතර මෙම සැකකාර යුවල වයස අවුරුදු 51 හා 58 වියෙහි පසුවන්නන් වනවා.
ඔස්ටේ්‍රලියානු සත්ව නීතිය යටතේ සතෙකු අතහැර දැමීම සත්ව සුභසාධන පනත යටතේ වරදක් වන අතර එම වරදට වරදකරු වන ඕනෑම අයෙකුට ඩොලර් 20000 ක හෝ වසර දෙකක සිර දඬුවමකට යටත් වීමට සිදුවනු ඇති.
එම සතුන් මේ වන විට සත්ව සුභසාධන සංගමයක් වෙත භාරදී ඇති අතර සැකකාර යුවල මේ වන විට ඇප මත නිදහස් කර ඇති බව සඳහන්.
කෙසේ වෙතත් මෙලෙස සතුන් මහමග දමා යන්නන්ට නීතිය තදින්ම ක්‍රියාත්මක කරන බව පොලීසිය වැඩිදුරටත් අවදාරනය කර තිබෙනවා.
සැකකරුවන් ලබන මාසයේදී පෝට් ඇඩිලේඩ් මහේස්ත්‍රාත් අධිකරණය හමුවේ පෙනී සිටීමට නියමිතයි
