නිව් සවුත් වේල්ස් ප්‍රන්තයේ පිහි විකිණීමට අදාළ වයස් සීමාව නිර්ණය කිරීමේ නව නීතියක් සම්පාදවය කිරීම පිළිබඳ යෝජනා ඉදිරිපත්ව තිබෙනවා.
පසුගිය කාල සීමාව තුළ ඔස්ටේ්‍රලියාවේ විවිධ ප්‍රදේශ වලින් පිහි ඇණුම් ප්‍රහාර රැල්ලක් නිර්මාණය වීම හමුවේ මෙම යෝජනාව ඉදිරිපත්ව තිබුණා.
පොදු ප්‍රවාහන සේවා සාප්පු සංකීර්ණ සහ සමාජ ශාලා වැනි ස්ථාන වලට කිසිදු අයුරකින් තියුණු ආයුධ රැගෙන ඒම සම්පුර්ණයෙන්ම තහනම් කිරීමට පියවර ගෙන ඇති බව සඳහන්.
එම කලාප තුළ එවැනි ආයුධ ලග තබා ගන්නන් අත්අඩංගුවට ගැනීමට වරෙන්තු අවශ්‍ය නොවන බව නව නීතියට ඇතුළත්.
මෙම ව්‍යවස්ථාව මඟින් වයස අවුරුදු 18ට අඩු ඕනෑම කෙනෙකුට පිහි විකිණීම නීති විරෝධී වන අතර රැකියාවට හෝ අධ්‍යාපනයට වූ අවශ්‍යතාව මත මෙම නීති ලිහිල් වනු ඇති.
ජනාකීර්ණ ප්‍රදේශවල මහජනතාවට ආරක්ෂිත බවක් සහතික කරමින් සංස්කෘතික වෙනසක් ඇති කිරීම මෙහි අරමුණ බව සඳහන්.
