යුක්රේන රුසියා යුද පෙරමුණට ගිය ශ්‍රී ලංකාවේ හිටපු හමුදා සෙබළු වංචාවකට හසුවෙලා

ශ්‍රී ලංකාවේ හිටපු හමුදා සාමාජිකයන් යුක්රේනයේ සහ රුසියාවේ යුද පෙරමුණුවලට යොමු කිරීමේ ජාවාරමක් සම්බන්ධයෙන් ආරක්ෂක අමාත්‍යංශය විමර්ශන ආරම්භ කර තිබෙනවා.

රුසියාවේ සහ යුක්‍රේනයේ හමුදා කඳවුරුවලට මෙරට හිටපු හමුදා භටයන් යොමු කිරීමේ ජාවාරමට සම්බන්ධ පුද්ගලයින් අත්අඩංගුවට ගැනීම සඳහා මෙහෙයුමක් ආරම්භ කර ඇති බවයි එම අමාත්‍යංශය සඳහන් කළේ.

අපරාධ පරීක්ෂණ දෙපාර්තමේන්තුව සහ බුද්ධි අංශ ඒකාබද්ව මෙහෙයුම සිදු කරන බව ආරක්ෂක ලේකම්වරයා ප්‍රකාශ කර තිබෙනවා.

වංචනික රැකියා ඒජන්තවරුන් සමග එක්ව ව්‍යාජ පොරොන්දු ලබාදී විශ්‍රාම ලබා සිටින රණවිරුවන්ව රුසියානු – යුක්‍රේන යුද පෙරමුණට යැවීමේ ජාවාරම ක්‍රියාත්මක බවටයි හෙළිවී ඇත්තේ.

ආරක්ෂක ලේකම්වරයා සඳහන් කළේ පීටර්ස් බර්ග් වැනි ප්‍රසිද්ධ ස්ථානවලින් ඉඩම් ලබාදීම මෙන්ම යුද්ධයට බැඳෙන පිරිස්වලට රුසියාවේ පුරවැසිභාවය සහ ලක්ෂ 10කට අධික මුදලක් ලබාදෙන බවට ද පොරොන්දු දී ඇතැයි සඳහන්.

එහෙත් ඔවුන්ට කිසිදු මුදලක් හෝ වැටුපක් ලබාදී නොමැති අතර මරණයට පත්වුව හොත් හෝ බරපතළ තුවාල ලැබුවොත් කිසිදු වන්දි මුදලක් ගෙවා නොමැති බව ද අනාවරණ වී තිබෙනවා.

මෙම වංචාවන්ට හසුවී ශ්‍රී ලංකාවේ හිටපු හමුදා සාමාජිකයන් රැසක් යුද පෙරමුණට ගොස් ඇති අතර ඉන් පිරිසක් මරණයට පත්ව තවත් පිරිසක් බරපතල තුවාල ලබා ඇති බවයි සඳහන් වන්නේ.

ජාවාරමට සම්බන්ධ පිරිස හඳුනා ගැනීම සඳහා උත්සාහ කරමින් සිටින අතර හිටපු හමුදා සාමාජිකයන් යුද්ධයට බැඳි ඇත්තේ නිත්‍යානුකුලව නොවන අතර කුලී හමුදා ලෙස බව ආරක්ෂක අමාත්‍යංශය ප්‍රකාශ කළා.

මෙලෙස විදේශ ගත වී ඇති පුද්ගලයින් සෙවීම සඳහා විදේශ කටයුතු අමාත්‍යාංශය මඟින්ද විමර්ශන ආරම්භ කර ඇති බව ආරක්ෂක ලේකම්වරයා සඳහන් කර තිබෙනවා.

ලොව ධනවතුන් අතර ඉහළින් ඉන්න ඉලෝන් මස්ක් ළගදීම ශ්‍රී ලංකාවට

ස්ටාර් ලින්ක් (Starlink) චන්ද්‍රිකා අන්තර්ජාල සේවාව ක්‍රියාත්මක කිරීම සඳහා මේ වසරේ ශ්‍රී ලංකාවට පැමිණෙන ලෙස ජනාධිපති රනිල් වික්‍රමසිංහ කළ ආරාධනය ඉලෝන් මස්ක් පිළිගෙන ඇති බව වාර්තා වනවා.

Read More »

පිහි අපරාධ මඩින්න ගේන්න හදන නව නීතිය

පිහි හෝ ලෝහමය තියුණු ආයුධ රැගෙන යන පුද්ගලයින් පරීක්ෂාකිරීමට අදාළව නව නීති සම්මත කර ගැනීමට ඔස්ට්‍රේලියාවේ ප්‍රාන්ත රජයන් කටයුතු සැලසුම් කරමින් ඇතැයි වාර්තා වනවා.

Read More »

තරුණ පරම්පරාවේ සමාජ මාධ්‍යයේ බලපෑම් ගැන අනතුරු ඇඟවීමක්

නව යොවුන් වියේ දරුවන්ගේ මානසික යහපැවැත්ම සම්බන්ධයෙන් ක්වීන්ස්ලන්ඩ් ප්‍රාන්තයේ ප්‍රධාන සෞඛ්‍ය නිලධාරියා මහජන සෞඛ්‍ය අනතුරු ඇඟවීමක් ප්‍රකාශයට පත් කර තිබෙනවා.

Read More »

ඊශ්‍රායල සහ හමාස් නායකයන් අත්අඩංගුවට ගැනීමේ උත්සාහය ගැන අගමැතිගේ ප්‍රතිචාරය

ඊශ්‍රායල අගමැති සහ හමාස් නායකයින් අත්අඩංගුවට ගැනීමට වරෙන්තු නිකුත් කරන ලෙස ජාත්‍යන්තර අපරාධ අධිකරණයේ අභිචෝදකයාගේ ඉල්ලීම සම්බන්ධයෙන් අදහස් දැක්වීම අගමැති ඇන්තනි ඇල්බනීස් ප්‍රතික්ෂේප කර තිබෙනවා.

Read More »