ආන්දෝලනයට තුඩුදී ඇති ශ්‍රී ලාංකික ද්‍රවිඩ පවුලට අදාළ නීතිමය ගැටලුවලින් ඔවුන් පරාජයට පත්වුවහොත් අනිවාර්යයෙන්ම ශ්‍රී ලංකාවට පිටුවහල් කර යවන බව සංක්‍රමණ අමාත්‍ය Alex Hawke පවසයි.
ව්‍යාජ ලෙස දේශපාලන රැකවරණ අපේක්ෂා කරන්නන්ට ඔස්ටේ්‍රලියාව තුළ පදිංචියට ඉඩකඩ සැළසීම මිනිස් ජාවාරම්කරුවන්ට රුකුළක් වන බවයි ඔහු පෙන්වා දෙන්නේ.
මෙම පවුල ක්‍රිස්මස් දූපතෙන් ඉවත් කර පර්ත් නගරයේ රැඳවුම් මධ්‍යස්ථානයකට යැවීම කිසිදු අයුරකින් ඔවුන්ට ඔස්ටේ්‍රලියාව තුළ පදිංචිවීමට දුන් වීසා බලපත්‍රයක් නොවන බව ඇමතිවරයා අවධාරණය කර සිටී.
බෝට්ටු මගින් පැමිණෙන්නන් මෙරට පදිංචි කිරීම දීර්ඝ කාලයක සිට ඔස්ටේ්‍රලියාව ප්‍රතිපත්තිය නොවන බවද සංක්‍රමණ ඇමති Alex Hawke කියයි.
සංක්‍රමණ කරුණු පිළිබඳ දැඩි ප්‍රතිපත්ති නොගැනීම මිනිස් ජාවාරම්කරුවන්ට කරන උපකාරයක් බවද ඔහු පෙන්වා දෙනවා.
Pic – ABC News: Matt Roberts
