අගමැති හදිසි කැබිනට් රැස්වීමක් කැඳවයි

කාන්තාවන්ට එරෙහි ප්‍රචණ්ඩත්වය සම්බන්ධයෙන් අගමැති ඇන්තනි ඇල්බනිස් හදිසි කැබිනට් මණ්ඩල රැස්වීමක් කැඳවා තිබෙනවා.

ගෘහස්ථ ප්‍රචණ්ඩත්වයට එරෙහිව ක්‍රියා කරන ලෙසට ඊයේ පැවති විරෝධතාවලදී ලැබුණු ඉල්ලීම්වලට ප්‍රතිචාර වශයෙන් අගමැතිවරයා ලබන බදාදා හදිසි කැබිනට් රැස්වීමක් කැඳවා ඇති බවයි වාර්තා වන්නේ.

බ්‍රිස්බේන්, මෙල්බර්න්, ගෝල්ඩ් කෝස්ට් සහ කැන්බරා යන නගරවල දස දහස් සංඛ්‍යාත පිරිමින් මෙන්ම කාන්තාවන් ද ඊයේ අඛණ්ඩව තුන්වන දිනටත් විරෝධතා ව්‍යාපාරවලට එක්ව සිටියා.

අගමැතිවරයා ඊයේ පස්වරුවේ කැන්බරා පාගමනට පැමිණි අතර එහිදී ඔහු පැවසුවේ බදාදා කැබිනට් රැස්වීමේ ප්‍රධාන අරමුණ කාන්තා හිංසනය බවයි.

කාන්තා හිංසනයට එරෙහිව ජාතික හදිසි අවස්ථාවක් ප්‍රකාශයට පත් කිරීම සඳහා නීතිඥයින් බලකරමින් සිටි බැවින් අගමැතිවරයාට රැස්ව සිටි පිරිසෙන් ඉහළ ප්‍රතිචාරයක් ලැබුණු බව සඳහන්.

ප්‍රචණ්ඩත්වයට එරෙහි උපදේශකයින් විසින් සම්පාදනය කරන ලද දත්තවලට අනුව මේ වසරේ ඔස්ට්‍රේලියාවේ ප්‍රචණ්ඩත්වය හේතුවෙන් අවම වශයෙන් කාන්තාවන් 26 දෙනෙකු මිය ගොස් තිබෙනවා.

මෙල්බන්හි දුම්කොළ ගබඩා ගිනි තැබීම්වලට තවත් බාල වයස්කරුවන් දෙදෙනෙක් අල්ලයි

මෙල්බර්න්හි උතුරු ප්‍රදේශයේ දුම්කොළ ගබඩා ගිනි තැබීම සම්බන්ධයෙන් බාල වයස්කරුවන් දෙදෙනෙකු අත්අඩංගුවට ගෙන තිබෙනවා.

Read More »