දින 04 ක් තුළදී බිරිඳත් අලුත් උපන් බිළිඳියත් අහිමිවූ නවසීලන්තයේ ලාංකික පියාගේ අනුවේදනීය කථාව

දරු ප්‍රසූතියකින් අනතුරුව සිය බිරිඳවත් ඉන් දින හතරකට පසුව සිය දරුවාව අහිමි කරගත් නවසීලන්තයේ පදිංචිව සිටින ශ්‍රී ලාංකීක පියෙකු එම මරණ පිළිබඳව පරීක්ෂණයක් ඉල්ලා තිබෙනවා.

තම බිරිඳ වන නිලක්ෂානි සිල්වා හදිසි ගිලන් රථ සේවය හරහා රෝහල් ගත බව ඇයගේ සැමියා විසින් නවසීලන්තයේ පුවත් පතකට ප්‍රකාශ කර තිබ‍ුණේ.

කෙසේ වෙතත් ඇය සෙනසුරාදා උදෑසන මිය ගොස් ඇති බව සඳහන්.

අලුත උපන් දරුවා වන එලිනා ඇයගේ මව මිය ගොස් දින හතරකින් පසුව ජීවිතක්ෂයට පත් වුණා.

මාධ්‍ය වෙත අදහස් දක්වමින්, චරිත මීපේගම කියා සිටියේ, තම ජීවිතය මේ වනවිට සම්පූර්ණයෙන්ම විනාශවී ඇති බවයි.

34 හැවිරිදි තම බිරිඳ හට පසුගිය සිකුරාදා (11) රාත්‍රීයේ හුස්ම ගැනීමට අපහසු වූ බවත්, එම නිසා ගිලන් රථ සේවය අමතා රෝහල් ගත කිරීමට පියවර ගත් බවත් ඔහු පැවසුවා.

ඊට පෙර සෞඛ්‍ය වෛද්‍ය නිලධාරීනියට අදාළ සිදුවීම සම්බන්ධයෙන් දැනුම්දීමට උත්සහ කළ ද නිලධාරිනිය ඊට ප්‍රතිචාර නොදැක්වූ බවයි මීපේගම චෝදනා කරන්නේ.

සෞඛ්‍ය තත්වය වේගයෙන් පිරිහී ගිය හෙයින් පරිපූරක වෛද්‍යවරු ඇයව ගිලන් රථයකින් ඕක්ලන්ඩ් රෝහලට රැගෙන යාමට කටයුතු කළා.

“වෛද්‍යවරු මට කිව්වා නිෂි ලේ කැටියක් නිසා මිය ගියා කියලා. මට ඒක තේරෙන්නේ නෑ, නිෂි නිරෝගී සෞඛ්‍ය සම්පන්නව සිටි කෙනෙක්.. ගර්භණී සමයේදී කිසිදු ගැටළුවක් තිබුණේ නෑ… ගිලන් රථයේදී ඔවුන් කිව්වේ ඇයගේ හදවත නතර වුණ නිසා දරුවාව එතැනදීම ප්‍රසූත කරවීමට සිදු වුණා කියලා..”

කෙසේ වෙතත් මේ වනවිට අදාළ සිද්ධිය සම්බන්ධයෙන් පරීක්ෂණ ආරම්භ කර ඇති බවයි විදෙස් මාධ්‍ය වැඩිදුරටත් පවසන්නේ.

 

Pics – NZ Media

ඔස්ට්‍රේලියාවේ ස්ට්‍රෝබෙරි ගම්මානයක් ශ්‍රී ලංකාවේ

නුවරඑළිය ප්‍රදේශයේ ස්ථාපිත කරනු ලැබූ ශ්‍රී ලංකාවේ ප්‍රථම ස්ට්‍රෝබෙරි ආදර්ශ ගම්මානය තුළ සිදු කෙරෙන ස්ට්‍රෝබෙරි වගාවේ පැළ රෝපණ කටයුතු මේ වන විට අවසන් කර ඇතැයි කෘෂිකර්ම අමාත්‍යංශය පවසනවා.

Read More »

කොවිඩි නීති උල්ලංඝණයට පැනවූ දඩ අය කර ගන්න නව වැඩසටහනක්

කොවිඩ් වසංගත සමයේ නිකුත් කර තිබූ මහජන සෞඛ්‍ය උපදෙස් සහ දේශසීමා නීති උල්ලංඝනය කිරීම්වලට සම්බන්ධ දඩ මුදල් අය කර ගැනීමට ක්වීන්ස්ලන්ඩ් ප්‍රාන්ත රජය විශේෂ වැඩසටහනක් ආරම්භ කර තිබෙනවා.

Read More »

වයස 35 ඉක්මවූ පශ්චාත් උපාධි අපේක්ෂකයින්ට ෆෙඩරල් රජයෙන් උපදෙසක්

ටෙම්පරි ග්‍රැජුඒට් වීසා (Temporary Gratuate visa) කාණ්ඩය යටතේ පැනවූ නව සීමා හේතුවෙන් ඔස්ට්‍රේලියාවට පැමිණීමට නොහැකි වන ජාත්‍යන්තර සිසුන්ට වෙනත් සුදුසු වීසා කාණ්ඩයක් තෝරාගන්නා ලෙස ෆෙඩරල් රජය උපදෙස් ලබාදී තිබෙනවා.

Read More »

ඩොලර් 100 නෝට්ටුව ගැන ජනතාවට දැනුම්දීමක්

විදෙස් රටකදී ඔස්ට්‍රේලියානු ඩොලර් 100 නෝට්ටුවක් මාරු කිරීමට යාමේදී සිදු වූ අපහසුතාවක් පිළිබඳ ඔස්ට්‍රේලියා සංචාරකයෙකු විසින් ජනතාවට දැනුම්දීමක් සිදුකර තිබෙනවා.

Read More »