ඇමරිකාව සම්මත කර ගත් පනත අනුව TikTok විකිණීමට කිසිඳු අදහසක් නොමැති බව එය අයත් චීන මව් සමාගම වන ByteDance පවසනවා.
TikTok විකිණීමට කිසිදු සැලසුමක් නොමැති බවයි සමාගම ඔවුන්ගේ සමාජ මාධ්‍ය වේදිකාවක් වන ටූටියාඕ (Toutiao) නිල ගිණුමේ සටහන් කර ඇත්තේ.
අමෙරිකා එක්සත් ජනපදය විසින් TikTok යෙදුම ඇමරිකාවේ තහනම් කිරීමට නීතියක් සම්මත කරනු ලැබුවා.
කෙසේ වෙතත් මෙම සතිය මුලදී TikTok කියා සිටියේ එම ව්‍යවස්ථා විරෝධී නීතිය අධිකරණයේදී අභියෝගයට ලක් කරන බවයි.
පසුගියදා අමෙරිකානු ජනපති ජෝ බයිඩ්න් ද TikTok සමාජ මාධ්‍ය තහනම් කරමින් ගෙන ආ නීතියට අතසන් කළේ TikTok හේතුවෙන් චීන රජය සමඟ පරිශීලක දත්ත හුවමාරු කර ගත හැකි බවට ඇති කනස්සල්ල මතයි.
නමුත් චීන රජය සැමවිටම එම චෝදනා ප්‍රතික්ෂේප කර ඇති බවයි වාර්තා වන්නේ.
නීති සම්මත වුව ද TikTok ඇමරිකාවේ ක්ෂණික තහනමකට මුහුණ නොදෙන අතර නව නීතිය මගින් ව්‍යාපාරය විකිණීම සඳහා ByteDance සමාගමට මාස නවයක් ලබා දී තිබෙනවා.
