වීසා වංචාවන්ට නොරැවටෙන්නැයි ඔස්ට්‍රේලියානු රජයෙන් නිවේදනයක්

ඔස්ට්‍රේලියාවට පැමිණීම සඳහා බව පවසමින් සිදු කෙරෙන වීසා වංචාවන්ට හසු නොවන්නැයි ඔස්ට්‍රේලියා ස්වදේශ කටයුතු දෙපාර්තමේන්තුව නිවේදනයක් නිකුත් කරමින් පවසනවා.

 

වීසා බලපත්‍ර ලබා ගැනීම සඳහා මුදල් හෝ පුද්ගලික තොරතුරු ලබා දීමට පෙර ඒ පිළිබඳ නිසි පරීක්ෂාවක් කරන ලෙසයි අමාත්‍යංශය ජනතාවට අනතුරු අඟවා ඇත්තේ.

 

විශේෂයෙන් වීසා ලබා දීමට බව පවසන ව්‍යාජ කෙටි පණිවුඩ සහ ඊමේල් පණිවුඩයන්ට ප්‍රතිකාර දැක්වීම හෝ ලබා දෙන ලින්ක් වෙත ප්‍රවේශ වීමට පෙර ඒ පිළිබඳ දැනුවත් වන ලෙස ස්වදේශ කටයුතු දෙපාර්තමේන්තුව දන්වා තිබෙනවා.

 

ඔස්ට්‍රේලියානු රජයේ නිල ලාංඡන භාවිත කරමින් බොහෝ පිරිසක් ව්‍යාජ වෙබ් අඩවි නිර්මාණය කර ඇති බවටයි තොරතුරු වාර්තා වන්නේ.

 

ඔස්ට්‍රේලියානු සංක්‍රමණ නියෝජිත ආයතන සියල්ලම ඔස්ට්‍රේලියානු සංක්‍රමණ නියෝජිතයින් ලියාපදිංචි කිරීමේ අධිකාරියේ ලියාපදිංචි වී තිබීම අනිවාර්ය වන අතර ඒ පිළිබඳ ප්‍රථමයෙන් විමසා දැනගැනීම අනිවාර්ය වනු ඇති.

 

ඔස්ට්‍රේලියානු වීසා බලපත්‍රයක් සඳහා අයදුම් කිරීමට පිළිගත් රජයේ ආයතනයක් හා එක්වීම අනිවාර්‍ය බව ඔස්ට්‍රේලියානු ස්වදේශ කටයුතු අමාත්‍යංශය ප්‍රකාශ කර ඇති අතර වීසා වංචාවලින් ආරක්ෂාවීම සඳහා පුද්ගලයින් සැමවිට නිල ගිණුම් සමග  සම්බන්ධවීමට ද උපදෙස් ලබා දෙනවා.

 

පිළිගත් සංචාරක නියෝජිතයන්, ඔස්ට්‍රේලියානු වීසා අයදුම් කිරීමේ මධ්‍යස්ථාන, හෝ ඔස්ට්‍රේලියානු මහ කොමසාරිස් කාර්යාලය මෙන්ම තමන් අයත් රටවල තානාපති කාර්යාල වැනි ඔස්ට්‍රේලියානු රජයේ නිල ආයතන සමඟ පමණක් සම්බන්ධ වීම වැදගත්.

 

වීසා ලබාදෙන මුවාවෙන් සිදුවිය හැකි වංචා අවම කිරීමට එමගින් හැකිවනු ඇති බවයි ඔස්ට්‍රේලියා රජය අවධාරණය කර ඇත්තේ.

තම සුරතලුන් දෙදෙනාගේ ප්‍රහාරයෙන් කාන්තාවක් මිය යයි

නැගෙනහිර ලන්ඩනයේ නිවසකදී ඇමෙරිකන් බුලි (XL Bully) වර්ගයේ දැවැන්ත සුනඛයන් දෙදෙනෙකුගේ ප්‍රහාරයක් හේතුවෙන් 50 හැවිරිදි කාන්තාවක් මිය ගොස් ඇති බව පොලිසිය තහවුරු කර තිබෙනවා.

Read More »

ඔස්ට්‍රේලියානුවන් වැඩි වශයෙන් භාවිතා කරන භාෂා ගැන අලුත් අනාවරණයක්

සෑම ඕස්ට්‍රේලියානුවන් පස් දෙනෙකුගෙන් එක් අයෙක් නිවසේ දී ඉංග්‍රීසි භාෂාව හැර වෙනත් භාෂා භාවිත කරන බව නවතම අධ්‍යයනයක දී හෙළිව තිබෙනවා.

Read More »

වික්ටෝරියා ප්‍රාන්තයේ ප්‍රධාන පාසලක සිසුන්ට ජල බෝතල් තහනම් වෙයි

වික්ටෝරියා ප්‍රාන්තයේ ජනප්‍රිය පෞද්ගලික පාසලක ඇතැම් සිසුන් සඳහා පන්ති කාමරය තුළ ජල බෝතල් තහනම් කර ඇතැයි වාර්තා වනවා.

Read More »

මෙල්බන්හි මාර්ගයක ඇවිද යමින් සිටි කාන්තාවකට පිහි ප්‍රහාරයක්

අද උදෑසන මෙල්බර්න් නගරයේ කාර්යබහුල නගර අභ්‍යන්තර මාර්ගයකදී කාන්තාවකට නාඳුනන පුද්ගලයෙකු විසින් පිහියෙන් ඇනීමේ සිදුවීමක් පිළිබඳ පොලිස් පරීක්ෂණ ආරම්භ වී තිබෙනවා.

Read More »