විදෙස් රටක අතරමං වූ ඔස්ට්‍රේලියානුවන් රැගෙන එන්න රජයෙන් සැලසුමක්

නිව් කැලිඩෝනියාවේ අර්බුධකාරී වාතාවරණය හේතුවෙන් අතරමංව සිටින ඔස්ට්‍රේලියානුවන් මව් රටට ගෙන ඒමට රජය විශේෂ වැඩසටහනක් ආරම්භ කර තිබෙනවා.

ප්‍රංශයට අයත් දූපත් කලාපය තුළ සතියක පමණ කාලයක සිට පවතින ප්‍රචණ්ඩකාරී නොසන්සුන්තාව හමුවේ එහි අතරමංව සිටින ඔස්ට්‍රේලියානුවන් ගෙන්වා ගැනීමට රජය කටයුතු කරමින් සිටින බවයි විදේශ අමාත්‍ය පෙනී වොන්ග් සඳහන් කළේ.

විරෝධතා හේතුවෙන් මේ වන විට පුද්ගලයන් 6 දෙනෙකු මියගොස් තවත් විශාල පිරිසක් තුවාල ලබා ඇතැයි සඳහන්.

ප්‍රකාශයක් නිකුත් කරමින් මෙරට විදේශ අමාත්‍යවරිය ඔස්ට්‍රේලියානුවන්ට අනතුරු අඟවා ඇත්තේ ප්‍රංශ පැසිෆික් කලාපයට නොයන ලෙසටයි.

කැරලි කෝලාහල හේතුවෙන් ගුවන් ගමන් නවතා දැමීමෙන් පසු අතරමං වී ඇති අයට සහාය වීමට රජය කටයුතු කරන අතර ප්‍රංශ බලධාරීන්ගේ අනුමැතිය ලැබීමෙන් පසු ඔස්ට්‍රේලියානු ආරක්ෂක බලකාය නිව් කැලිඩෝනියාවට පියාසර කිරීමට සූදානම් බවයි විදේශ අමාත්‍යවරිය කියාසිටියේ.

නිව් කැලිඩෝනියාවේ ඡන්ද හිමි නාමලේඛනවල වෙනස්කම් සිදු කිරීම සඳහා ප්‍රංශ ව්‍යවස්ථාව සංශෝධනය කිරීමට පැරීසියේ පැවැත්වෙන සාකච්ඡාවක් සම්බන්ධයෙන් මෙම විරෝධතාව හටගෙන තිබෙනවා.

නව කැලිඩෝනියාවේ වසර 10ක් ජීවත් වූ පදිංචිකරුවන්ට පළාත් සභා මැතිවරණයේදී ඡන්දය ප්‍රකාශ කිරීමට ඉඩ සලසන පනතක් බදාදා ජාතික සභාව විසින් අනුමත කර තිබුණා.

විරුද්ධවාදීන් පවසන්නේ මෙම පියවර නිව් කැලිඩෝනියාවේ ප්‍රංශ හිතවාදී දේශපාලනඥයන්ට වාසිදායක වන අතර ආදිවාසී ජනතාව තවදුරටත් කොන් කරනු ඇති බවයි.

පැතිර යන රෝගයක් නිසා NSW සෞඛ්‍ය අංශවලින් අනතුරු ඇඟවීමක්

පැතිර යන රෝගයක් නිසා NSW සෞඛ්‍ය අංශවලින් අනතුරු ඇඟවීමක්නිව් සවුත් වේල්ස් ප්‍රාන්තයේ ඉන්ෆ්ලුවෙන්සා රෝගීන් සංඛ්‍යාව සියයට 33කින් ඉහළ ගොස් තිබෙනවා.

Read More »

උත්සවවලට අවශ්‍යම වන ද්‍රව්‍ය කිහිපයකට NSW ප්‍රාන්ත කවුන්සිලයකින් තහනමක්

නිව් සවුත්වේල්ස් ප්‍රාන්තයේ බයිරන් බේ කවුන්සිලය විසින් සැරසිලි ද්‍රව්‍ය කිහිපයක් සඳහා තහනමක් පැනවීමට පියවර ගෙන තිබෙනවා.

Read More »

හැමෝටම බලපාන හේතුවක් නිසා ඔස්ට්‍රේලියාවේ නගර කිහිපයක් මුල් තැනට එයි

එළඹෙන මූල්‍ය වර්ෂයේදී නිවාස මිල වැඩි වශයෙන් ඉහළ යන නගර අතුරින් පර්ත්, ඇඩිලේඩ්, සිඩ්නි සහ බ්‍රිස්බේන් මුල් තැනට පත්වනු ඇතැයි නව සමීක්ෂණ මගින් තහවුරු වී තිබෙනවා.

Read More »

රුධිර පරිත්‍යාගයෙන් මෙල්බන් පදිංචිකරුවෙක් වාර්තාවක් පිහිටුවයි

877 වන වරටත් රුධිරය පරිත්‍යාග කිරීමෙන් පසු මෙල්බර්න් නගරයේ ජීවත් වන පුද්ගලයෙක් ඔස්ට්‍රේලියාවේ වඩාත්ම ක්‍රියාකාරී රුධිර පරිත්‍යාගශීලියා බවට පත් වී තිබෙනවා.

Read More »

ඔස්ට්‍රේලියාවේ සාප්පු සවාරි යන අයට අඩුම මිලට බඩු ගන්න තැනක්

ඔස්ට්‍රේලියාවේ සුපිරි වෙළඳසැල් ජාලය තුළ අඩුම මිලකට සිල්ලර භාණ්ඩ මිලදී ගත හැකි වෙළඳසැල් සම්බන්ධයෙන් නව සමීක්ෂණයක් සිදු කර තිබෙනවා.

Read More »