නිවසක් නොමැතිව කිලෝ මීටර් 4000ක් පමණ නිවසක් සොයා ගිය පවුලක් පිළිබඳ තොරතුරු ටස්මේනියා ප්‍රාන්තයෙන් වාර්තා වනවා.
තනි මවක් සිය දරුවන් 6 දෙනා සමග නිවසක් නොමැතිකම හේතුවෙන් මසකට ආසාන්න කාළයක් නොයෙක් ප්‍රදේශ වලට සංක්‍රමණය වූ බවයි වාර්තා වන්නේ.
මේ හේතුවෙන් දරුවන්ගේ අධ්‍යාපන කටයුතු වලටද බාධා මතුව ඇති අතර ජීවන වියදම හමුවේ දැරිය හැකි මිල ගණන් යටතේ නිවසක් ලබා ගැනීමට නොහැකි වීම මීට හේතුවයි.
මෙම පවුල් මීට පෙර ටස්මේනියාවේ කුලි නිවාසක සිටි බවත් කුලී මුදල් ගෙවීමට නොහැකි වීම හේතුවෙන් නිවෙස් හිමියාට අයත් ගොවි පලක සිය පවුලටම වැටුප් රහිතව වැඩ කිරීමට සිදුව තිබෙනවා.
කේරි නම් මෙම කාන්තාව ස්වේච්ඡා ගිලන්රථ නිලධාරිනියක ලෙස සේවයේ නියතු අතර ඇයගේ දෙමාපියන්ද ස්නායු ආබාධයෙන් පෙලෙන බවයි සඳහන් කළේ.
නිවාස පීඩනය හේතුවෙන් මසක් පුරා කුලී නිවසක් සොයමින් අරගලයක පසුවන බව ඇය මාධ්‍යට සඳහන් කර තිබුණා.
කේරි සඳහන් කළේ මාස 8ක සිට දරුවන් පාසැල් යෑම නතර කර ඇති බවයි.
ගැලවීමේ හමුදා ශාඛාව සමඟ සම්බන්ධ වී තාවකාලික කුඩා නිදන කාමර තුනක මේ වන විට පදිංචි වී සිටින බවයි වාර්තා වන්නේ.
