Qantas ගුවන් සේවය ලොව ආරක්ෂිතම ගුවන් සේවා ශ්‍රේණිගත කිරීමේ දෙවන ස්ථානයට

Air New Zealand ගුවන් සේවය යළිත් වරක් ලොව ආරක්ෂිතම ගුවන් සේවා ශ්‍රේණිගත කිරීමේ පළමු ස්ථානයට පත්වී තිබෙනවා.

සෑම වසරකම අදාළ ශ්‍රේණිගත කිරීම් සම්පාදනය කරන AirlineRatings.com වෙබ් අඩවියට අනුවයි නවසීලන්තයේ ජාතික ගුවන් සේවය ඔස්ට්‍රේලියාවේ ක්වන්ටාස් (Qantas) පසු කරමින් 2024 සඳහා ද පළමු ස්ථානය ලබාගෙන ඇත්තේ.

මීට පෙර Air New Zealand 2022 වසරේදී ද ලොව ආරක්ෂිතම ගුවන් සේවා ශ්‍රේණිගත කිරීමේ පළමු ස්ථානය හිමිකරගෙන තිබුණා.

පසුගිය 2023 වසරේ මුල් තැනට පත්වූ ඔස්ට්‍රේලියානු ගුවන් සේවය වන Qantas මෙවර ශ්‍රේණිගත කිරීමේ ලැයිස්තුවේ දෙවන ස්ථානයට පත්වී තිබෙනවා.

වර්ජින් ඕස්ට්‍රේලියා, එතිහාඩ් එයාර්වේස් සහ කටාර් එයාර්වේස් යන ගුවන් සේවා යි පිළිවෙලින් තුන, හතර සහ පස්වන ස්ථානවලට පත්වී ඇත්තේ.

ආරක්‍ෂිත නවෝත්පාදන ක්‍රියාවලිය, මෙහෙයුම් විශිෂ්ටත්වය සහ වඩාත් දියුණු ගුවන් යානා මෙන්ම Airbus A350, Boeing 787, සහ Boeing 777 වැනි නවීන ගුවන් යානා යොදා ගැනීම ඇතුලු ආරක්‍ෂිත පියවරයන් මෙම තෝරා ගැනීම්වලට පදනම් වී තිබෙනවා.

එමෙන්ම 2024 වසරට අදාළව ආරක්ෂිතම ගුවන් සේවා තීරණය කිරීම සඳහා සමීක්ෂණ කණ්ඩායම පසුගිය වසර පහ තුළ සිදුවූ බිඳවැටීම්, පසුගිය වසර දෙක තුළ වාර්තා වූ බරපතල සිදුවීම්, ගුවන් සේවා විගණන, රජයේ විගණන, ගුවන් යානාවල වයස සහ කාර්ය මණ්ඩලය පුහුණු කිරීම ඇතුළුව කාණ්ඩ කිහිපයක් ද සලකා බලනු ලැබුවා.

ප්‍රමුඛතම ගුවන් සමාගම් දෙක වන Air New Zealand සහ ක්වන්ටාස් (Qantas) අතර තරගය සමීපව පැවති අතර ඔස්ට්‍රේලියානු ගුවන් සේවයේ ගුවන් යානාවල වයස හේතුවෙන් නවසීලන්ත ගුවන් සේවය පළමු තැනට පත්වූ බව සඳහන්.

ඇමරිකා එක්සත් ජනපදයේ ගුවන් සේවා අතුරින් පළමු 10 දෙනා අතරට පැමිණියේ ඇලස්කා ගුවන් සේවය පමණයි.

හවායි එයාර්ලයින්ස්, ඇමරිකන් එයාර්ලයින්ස් සහ යුනයිටඩ් එයාර්ලයින්ස් ලැයිස්තුවේ අංක 21 සහ 22ට පැමිණ තිබෙනවා.

සැත්කමකින් පසු මෙල්බන් කාන්තාවක් මියගිය සිද්ධියට තවත් වෛද්‍යවරුන් දෙදෙනෙකුගේ වැඩ තහනම්

ගබ්සාවකින් පසු මෙල්බර්න් කාන්තාවක් වන හර්ජිත් කෞර් මියයාමේ සිද්ධිය සම්බන්ධයෙන් පරීක්ෂණවලට අනුව තවත් වෛද්‍යවරුන් දෙදෙනෙකුගේ වැඩ තහනම් කර තිබෙනවා.

Read More »

ගුවන් යානයක් කැළඹීමකට හසුවීමෙන් මගියෙකු ජීවිතක්ෂයට

ලන්ඩනයේ සිට සිංගප්පූරුව බලා ගමන් කරමින් තිබූ ගුවන් යානයක් උඩු ගුවනේදී කැළඹීමකට හසුවීමෙන් එක් අයෙකු ජීවිතක්ෂයට පත්වී තිබෙනවා.

Read More »

තම සුරතලුන් දෙදෙනාගේ ප්‍රහාරයෙන් කාන්තාවක් මිය යයි

නැගෙනහිර ලන්ඩනයේ නිවසකදී ඇමෙරිකන් බුලි (XL Bully) වර්ගයේ දැවැන්ත සුනඛයන් දෙදෙනෙකුගේ ප්‍රහාරයක් හේතුවෙන් 50 හැවිරිදි කාන්තාවක් මිය ගොස් ඇති බව පොලිසිය තහවුරු කර තිබෙනවා.

Read More »

ඔස්ට්‍රේලියානුවන් වැඩි වශයෙන් භාවිතා කරන භාෂා ගැන අලුත් අනාවරණයක්

සෑම ඕස්ට්‍රේලියානුවන් පස් දෙනෙකුගෙන් එක් අයෙක් නිවසේ දී ඉංග්‍රීසි භාෂාව හැර වෙනත් භාෂා භාවිත කරන බව නවතම අධ්‍යයනයක දී හෙළිව තිබෙනවා.

Read More »

වික්ටෝරියා ප්‍රාන්තයේ ප්‍රධාන පාසලක සිසුන්ට ජල බෝතල් තහනම් වෙයි

වික්ටෝරියා ප්‍රාන්තයේ ජනප්‍රිය පෞද්ගලික පාසලක ඇතැම් සිසුන් සඳහා පන්ති කාමරය තුළ ජල බෝතල් තහනම් කර ඇතැයි වාර්තා වනවා.

Read More »