ප්‍රංශ බේකරිකරුවන් පිරිසක් පැරිසියේ තදාසන්න ප්‍රදේශයක්වන සුරේස්නස් හි ලෝකයේ දිගම බෑගට් එකක් මීටර් 140.5 (අඩි 461) හදලා ගිනස් ලෝක වාර්තාවක් පිහිටුවලා තිබෙනවා.
බෑගට් එකක් කියලා කියන්නේ ප්‍රංශ සම්භවයක් තිබෙන දිගු තුනී පාන් වර්ගයක්.
පාන් හදන විදිහට සාමාන්‍ය පිටි මෝලියකින් මේ බෑගට් හදනු ලබනවා.
සාමාන්‍ය බෑගට්ටුවක විෂ්කම්භය සෙන්ටිමීටර 5 සිට 6 ක් පමණ වෙද්දී, දිග සෙන්ටිමීටර 65 ක් විතර වෙනවා.
මේ ප්‍රංශ බේකරිකරුවන් ගිනස් ලෝක වාර්තාව තිබ්බ බෑගට් එක මීටර 140ක දිගින් යුක්තයි
මීට පෙර මෙවැනි වාර්තාවක් තබා ඇත්තේ 2019 දී ඉතාලියේ කොමෝ නගරයේ පිරිසක්. එම බෑගට් එක මීටර් 132.62 (අඩි 435) දිගින් යුක්තයි.
ප්‍රංශ බේකරිකරුවන් නිර්මාණය කරපු මේ අලුත් බෑගට් එකට අවශ්‍ය පිටි මෝලිය සකස් කිරිම ආරම්භ කර ඇත්තේ පාන්දර 03.00ට බව සදහන්.
එහෙම නිර්මාණය කරපු මේ බෑගට් එකෙන් කොටසක් ප්‍රංශ ජනතාව එක්ක බෙදාගත් මේ පිරිස තමන්ගේ ගිනස් ලෝක වාර්තාව තිබ්බ බෑගට් එකේ ඉතුරු කොටස නිවාස නොමැති ජනතාවට බෙදා දීලා තියෙනවා.
