වික්ටෝරියා Lockdown නව සීමා : ආපනශාලා Take away පමණයි – විවාහ මංගල්‍යන්ට අවසර නෑ

MELBOURNE

කොරෝනා වයිරසය තවදුරටත් වික්ටෝරියා ප්‍රාන්තය පුරා පැතිරීම වහාම වැළක්වීමේ අරමුණින් අද රාත්‍රී 12 සිට සමස්ත වික්ටෝරියා ප්‍රාන්තයම දින 07 ක Lockdown කිරීමකට යටත් වන බව වැඩ බලන ප්‍රාන්ත අගමැති James Merlino නිවේදනය කලා.

අද මධ්‍යම රාත්‍රියේ සිට දින 07 ක සංචරණ සීමා ක්‍රියාත්මක වන කාලය තුළ ගෘහස්ථා හෝ බාහිර ඕනෑම කටයුත්තකදී මුහුණු ආවරණ පැළඳීම අනිවාර්ය වනවා.

එමෙන්ම පහත කාර්යයන් 05 සඳහා පමණක් නිවසින් පිටතට යා හැකියි.

අත්‍යවශ්‍ය භාණ්ඩ හෝ සේවා ලබා ගැනීම

රැකියා හෝ අධ්‍යාපන කටයුතු (නිවසේ සිට කල නොහැකි නම් පමණක්)

COVID එන්නත ලබා ගැනීම

වැඩිහිටි රැකවරණ කටයුතු

දිනකට උපරිම පැය 02 ක ශරීර සුවතා

lockdown කාලය තුළ පැනවෙන නීති හා සීමාවන්

  • නිවසින් බැහැරව යන ඕනෑම අවස්ථාවක මුව ආවරණ පැළඳීම අනිවාර්ය වේ.
  • පාසල් වසා දැමේ, නමුත් අත්‍යවශ්‍ය සේවකයින්ගේ දරුවන් සඳහා පාසල් විවෘතව පවතී.
  • childcare මධ්‍යස්ථාන විවෘතව පවතී.
  • සුපිරි වෙළෙඳසැල්, බැංකු, ඖෂධාගර වැනි අත්‍යවශ්‍ය සේවා විවෘතව පවතී.
  • අවන්හල්, ආපන ශාලා take-away සේවාවන් සඳහා පමණක් විවෘත කළ හැකිය.
  • පුද්ගලික හෝ පොදු කටයුතු සඳහා ජනයා ඒක රාශි වීම් තහනම් වේ.
  • භාණ්ඩ මිලට ගැනීමේදී සහ ව්‍යායාම් කිරීමේදී තම නිවසේ සිට කිලෝ මීටර් 5 ක දුර ඉක්මවා යා නොහැක.
  • සමීපතම හවුල්කරුවන් හැර වෙනත් අමුත්තන්ට නිවසට පැමිණීමට අවසර නැත.
  • විවාහ වන පුද්ගලයෙකුගේ සමීපතමයකු මරණාසන්නව සිටියි නම් හෝ විවාහ වන පුද්ගලයාව පිටුවහල් කිරීමකට ලක් කර ඇති මොහොතක වැනි අතිශය මානුෂීය සහ දුක්ඛිත තත්වයන් යටතේ හැර අනෙක් සියලු තත්ත්වයන් යටතේ සංවිධානය කරන විවාහ උත්සව තහනම්ය.
  • උපරිම පුද්ගලයින් 10 දෙනෙකුගේ සහභාගීත්වයෙන් අවමංගල උත්සව පැවැත්විය හැකිය.
  • උපරිම වශයෙන් පුද්ගලයින් පස් දෙනෙකු සමඟ සජීවීව විකාශය නොකරයි නම් ආගමික සේවාවන් ද තහනම් වේ.
  • සීමිත හේතුන් මත හැර Aged care මධ්‍යස්ථාන වලට අමුත්තන් පැමිණීම තහනම්ය.
  • පහත සඳහන් පාර්ශව වලට හැර අනෙක් පුද්ගලයින්ට රෝහල්වල රෝගීන් බැලීමට යාම තහනම්ය.
  1. මරණාසන්නව සිටින පුද්ගලයෙකුව බැලීමට අදාළ පුද්ගලයාගේ සමීපතමයින්ට
  2. දරු උපතකදී අදාළ කාන්තාවගේ සහයකයාට
  3. දරුවෙකුව රෝහල් ගත කිරීමේදී දරුවාගේ දෙමාපියන්ට
  • සියලුම විනෝදාස්වාද සපයන ස්ථාන වසා දැමේ.
  • සියලුම කොණ්ඩා මෝස්තර සැකසුම් ස්ථාන, පුද්ගලික සේවා සහ රූපලාවණ්‍ය සේවා වසා දැමිය යුතුය.
  • පිහිනුම් තටාක සහ කය වර්ධන මධ්‍යස්ථාන වසා දැමේ.
  • ප්‍රේක්ෂකයන් නොමැතිව අනුමත වෘත්තීය ක්‍රීඩා ඉසව් ඉදිරියට පවත්වා ගෙන යා හැකිය.
  • නිවාස වෙන්දේසි Online මාර්ගයෙන් සිදුකළ යුතුය.

බ්‍රහස්පතින්දා (27) රාත්‍රී 11.59 සිට රාජ්‍ය හා පෞද්ගලික රැස්වීම්වලට තවදුරටත් අවසර නැත.

ජුනි 3 වන දින රාත්‍රී 11.59 දක්වා Lockdown ක්‍රියාත්මක වන නමුත් වැඩ බලන ප්‍රාන්ත අගමැති James Merlino පැවසුවේ මීට පෙර ඉවත් කළ හැකි බවට අපේක්ෂා කෙරෙන බවයි.

මෙල්බන් කැළඹූ අපරාධ රැසක තොරතුරු හෙළිවෙයි

බටහිර ඔස්ට්‍රේලියාවේ සහ වික්ටෝරියා ප්‍රාන්තයේ පොලිසිය සිදු කළ ඒකාබද්ධ මෙහෙයුමක් මගින් නීති විරෝධී දුම්වැටි ජාවාරමට සම්බන්ධ 13 දෙනෙකු අත්අඩංගුවට ගෙන තිබෙනවා.

Read More »

කොවිඩ් සහනාධාර වංචා කළ මෙල්බන් පදිංචිකරු ගැන සියල්ල හෙළිවෙයි

COVID-19 වසංගතය සමයේ සහනාධාර ලබා ගැනීමට සිදු කළ වංචාවක් සම්බන්ධයෙන් මෙල්බන්හි පදිංචිකරුවෙක් පොලිස් අත්අඩංගුවට ගෙන තිබෙනවා.

Read More »

පැට් කමින්ස්ගේ වාර්තාවත් එක්ක ඔස්ට්‍රේලියාවට සුපිරි ජයක්

පන්දුවාර 20 ලෝක කුසලාන තරගාවලියේ බංග්ලාදේශය සමග පැවති තරගයෙන් ඩක්වත් ලුවිස් න්‍යාය අනුව ලකුණු 28ක ජයක් ලබා ගැනීමට ඔස්ට්‍රේලියා කණ්ඩායම අද සමත්වුණා.

Read More »

වික්ටෝරියාවේ Gellibrandහි ඇවිදින මංතීරුවක අබිරහස් මළ සිරුරු දෙකක්

වික්ටෝරියා ප්‍රාන්තයේ නිරිත දිග ප්‍රදේශයේ ඇවිදින මංතීරුවක තිබී හමු වූ පුද්ගල මළ සිරුරු දෙකක් සම්බන්ධයෙන් පොලිසිය පරීක්ෂණ ආරම්භ කර තිබෙනවා.

Read More »