Day: May 27, 2021

වික්ටෝරියා ප්‍රාන්තයට අමතර එන්නත් 130,000 ක් පිටත් කර හැරීමට ඔස්ටේ්‍රලියා මධ්‍යම රජය තීරණය කර තිබේ. ඉන් පළමු කොටස ලෙස මාත්‍රා 20,000 ක් අද දිනයේදී පිටත් කර හැරි බවයි සෞඛ්‍ය ඇමති ග්‍රෙග් හන්ට් පැවසුවේ. වික්ටෝරියා ප්‍රාන්තය තුළින් දින 03 ක් ඇතුළත ආසාධිතයන් 26 දෙනෙකු හමුවීමත් සමගයි මෙම ක්ෂණික තීරණය ගෙන ඇත්තේ. මේ අතර ලබන ජූනි 03 වනදා දක්වා දින 07 ක Lockdown කිරීමකට යාමට ප්‍රාන්ත රජය ගත් තීරණයට තමන්ද එකග බව අගමැති ස්කොට් මොරිසන් පැවසීය.

වික්ටෝරියා Lockdown කාලසීමාව තුළ JobKeeper දීමනා ලබාදීම නැවත ආරම්භ කරන්නැයි වෘත්තීය සමිති ඔස්ටේ්‍රලියා මධ්‍යම රජයෙන් ඉල්ලා සිටී. රජයේ මූල්‍ය ප්‍රදානයක් නොමැතිව පවතින තත්වයෙන් ගොඩ ඒමට නොහැකි බවයි ACTU සභාපතිනී Michele O’Neil පෙන්වා දෙන්නේ. Lockdown තත්වයකට යාමට සිදුවූයේ අගමැති ස්කොට් මොරිසන්ගේ රජයේ දුර්වල පිළිවෙත හේතුවෙන් බවටද ඇය චෝදනා කරනවා. “ජොබ්කීපර් ඉක්මනින් අවසන් කිරීමට ෆෙඩරල් රජය ගත් තීරණය කිසිසේත් පිළිගත නොහැකියි. ජනතාවට රැකියා අහිමිවන තැන ජොබ් කීපර් නැවත ස්ථාපනය කළ යුතුයි” ACTU සභාපතිනී Michele O’Neil  පෙන්වා දෙනවා.

COVID තත්වය හමුවේ වික්ටෝරියා ප්‍රාන්තය දින 07 කට Lockdown කිරීමත් සමග මෙල්බර්න් බලා පිටත්ව යන සහ එහි සිට පැමිණිමට නියමිතවූ ගුවන් ගමන් රැසක් අවලංගු කර ඇත. ක්වන්ටාස් සහ වර්ජින් සමාගම්වල ගුවන් ගමන් ඊට අයත්. “මෙල්බර්න් හි වර්ධනය වෙමින් පවතින COVID තත්වයක් හේතුවෙන් වර්ජින් ඕස්ට්‍රේලියා අද මෙල්බර්න් බලා සහ ඉන් පිටත සේවාවන් 10 කට වැඩි ප්‍රමාණයක් අවලංගු කරන බව ගුවන් සමාගම නිවේදනයක් නිකුත් කරමින් කියා සිටී. මෙම ක්ෂණික තීරණ සමග ගුවන් මගීන් විශාල පිරිසකට දැඩි අපහසුතා එල්ලවී

වික්ටෝරියා ප්‍රාන්තයට දින 07 ක සංචරණ සීමා පැණවීමත් සමග අසල ප්‍රාන්ත කිහිපයක් ප්‍රාන්ත සීමා දැඩි කර තිබේ. ඒ අනුව අද සවස 04 සිට වික්ටෝරියා සිට නිවු සවුත් වේල්ස් ප්‍රාන්තයට පැමිණෙන ඕනෑම අයෙකු දින 07 ක් සිය නිවසේදී නිරෝධායනය විය යුතු වනවා. එමෙන්ම අත්‍යවශ්‍ය නොවන කිසිදු කටයුත්තක් සඳහා වික්ටෝරියා වෙත ගමන් නොකරන ලෙස NSW බළධාරීන් දන්වා ඇත. ACT ප්‍රාන්තයද දන්වා ඇත්තේ වික්ටෝරියා සිට පැමිණෙන ඕනෑම අයෙකු දින 07 ක් සිය නිවසේදී නිරෝධායනය විය යුතු බවයි. වික්ටෝරියා

කොරෝනා වයිරසය තවදුරටත් වික්ටෝරියා ප්‍රාන්තය පුරා පැතිරීම වහාම වැළක්වීමේ අරමුණින් අද රාත්‍රී 12 සිට සමස්ත වික්ටෝරියා ප්‍රාන්තයම දින 07 ක Lockdown කිරීමකට යටත් වන බව වැඩ බලන ප්‍රාන්ත අගමැති James Merlino නිවේදනය කලා. අද මධ්‍යම රාත්‍රියේ සිට දින 07 ක සංචරණ සීමා ක්‍රියාත්මක වන කාලය තුළ ගෘහස්ථා හෝ බාහිර ඕනෑම කටයුත්තකදී මුහුණු ආවරණ පැළඳීම අනිවාර්ය වනවා. එමෙන්ම පහත කාර්යයන් 05 සඳහා පමණක් නිවසින් පිටතට යා හැකියි. අත්‍යවශ්‍ය භාණ්ඩ හෝ සේවා ලබා ගැනීම රැකියා හෝ අධ්‍යාපන කටයුතු