ශ්රී ලංකාව තුළ ඇස්ට්රා-සෙනෙකා එන්නත ලබාගැනීමෙන් පසු රුධිර කැටිගැසීම් සිදුවූ බවට වාර්තා වූ 6 දෙනෙක් අතරින් තුන්දෙනෙකු මියගොස් ඇති බව සෞඛ්ය අමාත්ය පවිත්රා වන්නිආරච්චි මහත්මිය අද පාර්ලිමේන්තුවේදී අනාවරණ කළා.
ඒ විපක්ෂනායක සජිත් ප්රේමදාස මහතා ස්ථාවර නියෝග යටතේ අද පාර්ලිමේන්තුවේදී විමසූ ප්රශ්ණයකට පිළිතුරු දෙමින්.
කෙසේ වෙතත් ඇස්ට්රාසෙනෙකා එන්නත මෙරට තුළ භාවිත කිරීම අත්හිටුවීමට මෙතෙක් කිසිඳු තීරණයක් ගෙන නොමැති බවත් පළමු මාත්රාව ලබා ගත් පුද්ගලයන් හට දෙවන මාත්රාව ලබාදීම ලබන මාසයේ මුල් සතියේ සිට ආරම්භ කරන බවත් පවිත්රා වන්නිආරච්චි මහත්මිය සඳහන් කළා.
මේ අතර තවමත් ශ්රී ලංකාව තුළ කොවිඩ් වසංගතය සමාජගතවී නොමැති බවද සෞඛ්ය අමාත්ය පවිත්රා වන්නිආරච්චි මහත්මිය අවධාරණය කළා.
විපක්ෂ නායක සජිත් ප්රේමදාස මහතා විමසූ ප්රශ්ණයකට පිළිතුරු දෙමින් ඇය කියා සිටියේ ලෝක සෞඛ්ය සංවිධානයේ නිර්දේශවලට අනුව තවමත් ශ්රී ලංකාව තුල පොකුරු වශයෙන් කොරෝනා වෛරසය සම්ප්රේශණය සිදුවන බවයි.