මේජර් ජනරාල් ප්‍රියංක ප්‍රනාන්දු වරදකරු කරමින් දී තිබූ තීන්දුව නිෂ්ප්‍රභයි

එල් ටී ටී ඊ හිතවාදීන් ගොණු කර තිබූ නඩුවකදී එක්සත් රාජධානියේ වෙස්ට්මිනිස්ටර් මහේස්ත්‍රාත් අධිකරණය විසින් ලන්ඩන් නුවර ශ්‍රී ලංකා මහ කොමසාරිස් කාර්යාලයේ හිටපු අමාත්‍ය උපදේශක මේජර් ජනරාල් ප්‍රියංක ප්‍රනාන්දු මහතා වරදකරු කරමින් ලබාදී තිබූ තීන්දුව එරට මහාධිකරණය විසින් නිෂ්ප්‍රභ කර තිබෙනවා.

2019 දෙසැම්බර් මස 06 දින වෙස්ට්මිනිස්ටර් අධිකරණය විසින් දී තිබූ නඩු තීන්දුවට අදාලව මේජර් ජනරාල් ප්‍රියංක ප්‍රනාන්දු මහතා අභියාචනයක් ගොණු කර තිබූ අතර එහි තීන්දුව ඊයේ ප්‍රකාශයට පත්කරමින් බ්‍රිතාන්‍යය මහාධිකරණය අදාල නඩු තීන්දුව නිෂ්ප්‍රභ කර ඇති බවයි ලන්ඩනයේ ශ්‍රී ලංකා මහකොමසාරිස් කාර්යාලය නිවේදනය කළේ.

2018 පෙබරවාරි 04 දින ශ්‍රී ලංකාවේ 70 වන නිදහස් දිනය සමරන අවස්ථාවේදී ලන්ඩන් හි ශ්‍රී ලංකා මහකොමසාරිස් කාර්යාලය ඉදිරිපිට පැවති විරෝධතාවකදී එල්ටීටීඊ හිතවාදීන් වෙත තර්ජනාත්මක අභිනයක් පෑම මේජර් ජනරාල් ප්‍රියංක ප්‍රනාන්දු මහතාට එරෙහි චෝදනාව වී තිබුණා.

ඊට අදාල නඩු තීන්දුවට අනුව ඔහුට බ්‍රිතාන්‍යය තුළ රාජ්‍ය තාන්ත්‍රික මුක්තිය අහිමි කිරීම ඇතුලූ දඩුවම් කිහිපයක් පැනවීමටයි වෙස්ට්මිනිස්ටර් අධිකරණය 2019 වසරේදී නියෝග කළේ.

කෙසේ වෙතත් ඊයේ දින බ්‍රිතාන්‍යය මහාධිකරණය දුන් අභියාචනා තීන්දුවට අනුව ප්‍රියංක ප්‍රනාන්දු මහතා සියඵම චෝදනා වලින් නිදොස් කොට නිදහස් කළ අතර අභියාචනය වෙනුවෙන් ඔහු වෙත නඩු ගාස්තු ගෙවන ලෙස චූදිත පාර්ශවය වූ එල් ටී ටී ඊ හිතවාදීන් කණ්ඩායමට නියම කෙරුණා.

දියතලාව Fox hill ධාවන තරගයේ අනතුරකින් ජීවිත 7ක් අහිමි වෙයි

දියතලාව ෆොක්ස් හිල් සුපර් ක්‍රොස් ධාවන තරගයේදී මෝටර් රථයක් ධාවන පථයෙන් ඉවතට පැන සිදු වූ අනතුරකින් පුද්ගලයන් 7 දෙනෙකු ජිවිතක්ෂයට පත්වී තවත් 20 දෙනෙකුට වැඩි පිරිසක් තුවාල ලබා රෝහල් ගත කර තිබෙනවා.

Read More »

ජපානයේ හෙලිකොප්ටර් දෙකක බිහිසුණු අනතුරක්

පැසිෆික් සාගර කලාපයේ රාත්‍රී අභ්‍යාසයක් අතරතුර හෙලිකොප්ටර් දෙකක් කඩා වැටීමෙන් ජපාන නාවික කාර්ය මණ්ඩල සාමාජිකයෙකු මිය ගොස් තවත් හත් දෙනෙකු අතුරුදහන් වී තිබෙනවා.

Read More »

අනාගතය වෙනුවෙන් සුපරීක්ෂාකාරී වන්නැයි ඔස්ට්‍රේලියානුවන්ට දැනුම්දීමක්

ඔස්ට්‍රේලියානුවන්ගේ විශ්‍රාම දිවිය වෙනුවෙන් මුදල් එක් රැස් කෙරෙන සුපර්ඇනුඒෂන් (superannuation) අරමුදල් වංචාවන් වැඩිවෙමින් පවතින බැවින් දැඩි අවධානයෙන් පසුවන ලෙස ඉල්ලීමක් කෙරෙනවා.

Read More »

TikTok වීඩියෝවක් නිසා මෙල්බන් කාන්තාවක් ලොව ජනප්‍රිය වෙයි

මෙල්බන්හි වෙස්ට් ගේට් පාලම මත මෝටර් රථයක ඉදිරිපස අසුනේ රූගත කරන ලද ටික්ටොක් විඩියෝවක් හේතුවෙන් මෙල්බන් කාන්තාවක් ලොව පුරා කතාබහට ලක්ව තිබෙනවා.

Read More »

ක්වීන්ස්ලන්ඩ් ප්‍රාන්තයේ ප්‍රදේශ රැසකට අනතුරු ඇඟවීම් කිහිපයක්

අද ක්වීන්ස්ලන්ඩ් ප්‍රාන්තයේ ප්‍රදේශ රැසකට ඇදහැලෙන වර්ෂාවක් සමඟ කාලගුණ අනතුරු ඇඟවීම් කිහිපයක් නිකුත් කර තිබෙනවා.

Read More »