Qantas විසින් ගුවන් මගීන්ට ඩොලර් මිලියන 20ක වන්දියක්

ක්වන්ටාස් ගුවන් සමාගම විසින් වලංගු කරන ලද ගුවන් ගමන් සඳහා ඩොලර් මිලියන 20 ක මුදලක් පාරිභෝගිකයින්ට ආපසු ගෙවීමට පියවර ගෙන තිබෙනවා.

 

මීට අමතරව ගුවන්ගමන් අවලංගු කිරීම් හෝ ප්‍රමාද කිරීම් නිසි වේලාවට දැනුම් දීමට නොහැකි වීම් යන චෝදනා මත තවත් ඩොලර් මිලියන 100ක සිවිල් දඩයක් ගෙවීමට ද ක්වන්ටාස් සමාගමට සිදුව ඇති  බව  සඳහන්. 

 

කෙසේ වෙතත් එම සිවිල් දඩ මුදල සම්බන්ධයෙන් අධිකරණ තීන්දුව මෙතෙක් ප්‍රකාශයට පත්කර නැහැ.

 

තවද 2021 මැයි 21 සිට 2022 ජූලි 7 දක්වා කාලය තුළ ක්වන්ටාස් සමාගම විසින් අවලංගු කරන ලද ගුවන් ගමන් ගණන 8000කට වැඩි බවයි වාර්තා වන්නේ.

 

තවද එම කාලසීමාව තුළ ගුවන් ගමන් 10000කට වැඩි ප්‍රමාණයක් නියමිත වේලාවට වඩා ප්‍රමාද වී ධාවනය කර ඇති බව සඳහන්.

 

ඒ අනුව පශ්චාත් කොවිඩ් කාලසීමාව තුළ මෙලෙස නිසි දැනුම්දීමකින් තොරව ගුවන් ගමන් ප්‍රමාදයන් හා අවලංගු කිරීම් සිදු කළ බවට පසුගිය වසරේ අගෝස්තු මස පාරිභෝගික කොමිසම විසින් ක්වාන්ටාස් සමාගමට විරුද්ධව ෆෙඩරල් අධිකරණයේ නඩුවක් ගොනු කළා.

 

මෙම සියලු නිර්දේශයන් සැලකිල්ලට ගනිමින් ෆෙඩරල් අධිකරණය නියෝග කලේ අගතියට පත් ගුවන් මගීන් සඳහා ඩොලර් මිලියන 20 ක මුදලක් පාරිභෝගිකයින් වෙත ආපසු ගෙවන ලෙසයි.

 

ඒ අනුව අගතියට පත් දේශීය මෙන්ම විදේශීය ක්වන්ටාස් පාරිභෝගිකයින් වෙත එම මුදල් හිමිවනු ඇති.

ආසියානු රටක පුද්ගලයෙක් මෙල්බන්හිදී කාන්තාවක් සහ දරුවෙක් පැහැර ගනී

මෙල්බර්න්හි රෝවිල් ප්‍රදේශයේ (Rowville) සාප්පු මධ්‍යස්ථානයක් අසලදී කාන්තාවක් සහ ඇයගේ කුඩා දියණිය පැහැරගෙන යාමේ සිදුවීමක් සම්බන්ධයෙන් පොලිස් පරීක්ෂණ ආරම්භ වී තිබෙනවා.

Read More »

අගමැති එක්වූ මෙල්බන් සමුලුවකට පලස්තීන හිතවාදී විරෝධතාකරුවන් කඩාවදී

අගමැති ඇන්තනි ඇල්බනීස් සහභාගී වූ මෙල්බර්න්හි කම්කරු පක්ෂ සමුළුවකට පලස්තීන හිතවාදී පෙලපාලිකරුවන් කඩා වැදී තිබෙනවා.

Read More »

වික්ටෝරියා ප්‍රාන්තයේ මාරක රිය අනතුරුවලට හේතුව හෙළිවෙයි

පැය පහකට අඩු කාලයක් නිදාගන්නා රියදුරන් රිය අනතුරුවලට පත්වීමේ සම්භාවිතාව හතර ගුණයකින් වැඩි බව නව අධ්‍යයනයකින් හෙළි වී තිබෙනවා.

Read More »