නිව් සවුත්වේල්ස් ප්රාන්තය පුරා පිහි ඇනුම් සිදුවීම් ගණනාවක් වාර්තා වීම හේතුවෙන් පොලිස් නිලධාරීන්ට ප්රසිද්ධියේ පිහි සෝදිසි කිරීම් සිදු කළ හැකි වන පරිදි නීති හඳුන්වා දෙන ලෙස ප්රාන්ත පොලිස් සංගමය ඉල්ලීමක් කරනවා.
නව නීති හඳුන්වා දීමෙන් පසු අතේ ගෙන යා හැකි මෙට්ල් ඩිටෙක්ටර්ස් මගින් සැක කටයුතු පුද්ගලයන් පරික්ෂා කිරීමට පොලිසියට ඉඩ සැලසෙනු ඇති.
ඩූන්සයිඩ් හි තරුණයෙකු ඝාතනය කිරීම, බොන්ඩායි ජන්ෂන් හි සමූහ පිහි ඇනුම සහ මෙන්ම වේක්ලි දේවස්ථානයක ප්රහාරය ඇතුළුව සිඩ්නිහි පිහි ඇනුම් ගනනාවකින් පසු මෙම නීති සඳහා ඉල්ලීම් ඉදිරිපත් වී තිබෙනවා.
ඉල්ලා සිටින මෙම පරීක්ෂණය දැනටමත් සංගීත ප්රසංග, ක්රීඩා තරග, ගුවන් තොටුපොළ වැනි කටයුතුවල සිට මහා පරිමාණ ඉසව්වලදී දැනටමත් භාවිතා වන ආක්රමණශීලී නොවන ස්කෑන් පරීක්ෂණයක්.
නිව් සවුත්වේල්ස් පොලිස් සංගමයේ සභාපති කෙවින් මෝටන් ප්රකාශ කළේ මෙම පරීක්ෂණ ජනතාව ආරක්ෂිතව තබා ගැනීමේ කොටසක් බවයි.
රාජ්ය සේවා සංගමය, සෞඛ්ය සේවා සංගමය ඇතුළු අනෙකුත් වෘත්තීය සමිති මෙම යෝජනාවට සහාය දක්වා තිබෙනවා.