ඕස්ට්‍රේලියානු විශ්ව විද්‍යාල තුල තවදුරටත් රැකියා අහිමි වීමේ ඉඩකඩ වැඩි බවට අනතුරු ඇඟවීමක්!

කොරෝනා වෛරස් වසංගතය හේතුවෙන් ඕස්ට්‍රේලියානු විශ්ව විද්‍යාල ආශ්‍රිතව​ රැකියා 17,000 කට වඩා අහිමි වී ඇති බව වාර්තා වේ.

ඕස්ට්‍රේලියාවේ විශ්ව විද්‍යාල විසින් ඉදිරිපත් කරන ලද සංඛ්‍යාලේඛන පිළිබඳව තමා පුදුමයට පත්වන බව ඇලන් ටඩ්ජ් පැවසීය. රැකියා 5000 ක් පමණ අහිමි වී ඇතැයි ඔහු විශ්වාස කල සිටියේය​.

කොරෝනා වෛරස් වසංගතයේ අඛණ්ඩ ආර්ථික බලපෑම හේතුවෙන් තවත් රැකියා අහිමිවීම් සිදු වීමට ​ඉඩකඩ වඩාත් වැඩි බව​ ඕස්ට්‍රේලියාවේ විශ්ව විද්‍යාල අනතුරු අඟවා තිබේ.

ඇස්තමේන්තු කර ඇති පරිදි පෙර වර්ෂයට සාපේක්ෂව 2020 දී මෙහෙයුම් ආදායමෙන් ඩොලර් බිලියන 1.8 ක් පමණ අහිමි වී ඇති බවයි.

2020 සඳහා විශ්ව විද්‍යාල වල පූර්ව වසංගත අයවැය ආදායම හා සසඳන විට පාඩුව ඩොලර් බිලියන 3 කට වඩා වැඩිය.

මේ වසරේදී තවත් ඩොලර් බිලියන 2 ක් අහිමි වනු ඇතැයි අපේක්‍ෂා කරන අතර මෙයට ප්‍රධාන හේතුව ලෙස ජාත්‍යන්තර සිසුන්ට තවමත් ඕස්ට්‍රේලියාවට ඒමට​​ නොහැකි වීම බව වාර්තාවන් හි සටහන් වේ.

රජයේ JobKeeper වැටුප් සහනාධාර වැඩසටහනෙන් විශ්ව විද්‍යාල අංශය ඵ​ලදායී ලෙස බැහැර කරන ලදී. අනතුරු ඇඟවීම් නොතකා මෙම තීරණය විශාල ලෙස​ රැකියා අහිමිවීමට හේතු වී ඇති බවට සඳහන් වේ.

කොරෝනා වසංගතයෙන් ඇති වන බලපෑම වසර ගණනාවක් විශ්ව විද්‍යාල වලට දැනෙනු ඇති බවට විශ්වාස කෙරේ.