කැන්ඩි ක්රෂ් ජංගම දුරකථන ක්රීඩාවේ නිරත වීම සඳහා තමන් සේවය කරන ආයතනයේ මුදල් යෙදවූ කාන්තාවක් අත්අඩංගුවට ගෙන තිබෙනවා.
සැකකාර කාන්තාව වික්ටෝරියා ප්රාන්තයේ බිම්මල් නිශ්පාදනය කරන ආයතනයක ගිණුම් අංශ නිලධාරිනියක ලෙස සේවයේ නිරතව සිටි අයෙක්.
ආයතනයට අයත් මුදල් ඩොලර් එක්ලක්ෂ අසූ දහසක් කැන්ඩි ක්රෂ් ක්රීඩාව සඳහා යොදවා ඇති අතර එමගින් ඇය ඩොලර් මිලියනයකට වඩා උපයා ඇති බවයි වාර්තා වන්නේ.
වසර 6ක් පුරා මෙම කාන්තාව මෙලෙස ආයතන මුදල් අවභාවිත කරමින් වංචනික ලෙස මුදල් උපයා ඇති බව තහවුරු වීමත් සමග සොරකම් කිරීමේ චෝදනා හතකට වරද පිළිගෙන ඇති බව සඳහන්.
52 හැවිරිදි ඇය ආයතනයේ බැංකු ගිණුම හරහා මෙලෙස අවස්ථා 435කදී මුදල් වංචා කර ඇති බව හෙළිවී තිබෙනවා.
නියමිත පරිදි වැටුප් නොගෙවීම සම්බන්ධයෙන් සේවකයින් ආයතන ප්රධානියාට සිදු කළ පැමිණිළි අනුව විමර්ශණ ආරම්භ කර ඇති අතර එහිදි අනාවරණය වී ඇත්තේ සැකකාර ගිණුම් නිලධාරී කාන්තාව විසින් මුදල් වංචා සිදු කර ඇති බවයි.
මූල් අවස්ථාවේදී ආයතන ප්රධානීන් සැක කර බැංකු ගිණුම හැකර්වරුන්ගේ ග්රහණයට ලක්ව ඇති බවටයි.
ඒ පිළිබඳ විමර්ශණය සඳහා තොරතුරු තාක්ෂණ විශේෂඥයෙකු බඳවා ගැනීමත් සමග සිද්ධිය පිළිබඳ සත්ය හෙළිවී තිබෙනවා.
සැකකාරිය සම්බන්ධයෙන් නීතිමය කටයුතු මේ වන විට ආරම්භ කර ඇති බවයි වාර්තා වන්නේ.
