නිව්කාසල්හි තර්ස්ටන් වීදියේ නිවසක සිදු වූ පිහි ඇනුමකින් දස හැවිරිදි දැරියක් ජීවිතක්ෂයට පත්වී තිබෙනවා.
මෙම ඝාතනයට අදාළව 17 හැවිරිදි තරුණියක් පොලිස් අත්අඩංගුවට ගෙන ඇති බවයි වාර්තා වන්නේ.
අද සවස 4ට පමණ ලැබුණු තොරතුරකට අනුව පොලිසිය මේ සම්බන්ධයෙන් විමර්ශන ආරම්භ කර ඇති අතර දැරිය පිහි ඇනුම් කිහිපයකින් බරපතල තුවාල ලබා සිටි බව පොලිසිය ප්‍රකාශ කළා.
ගිලන් රථ වෛද්‍යවරුන් විසින් ප්‍රතිකාර කළ ද ඇය එම ස්ථානයේදීම මිය ගිය බව සඳහන්.
අදාළ නිවසේ සිටි 17 හැවිරිදි අයෙකු අත්අඩංගුවට ගෙන බෙල්මොන්ට් පොලිස් ස්ථානයට රැගෙන ගොස් ඇති අතර, ඇය පොලිසියට සහය වේ.
මියගිය දැරිය සහ අත්අඩංගුවට පත්වූ තරුණිය එකිනෙකා හඳුනන අය බවට මූලික පොලිස් විමර්ශනවලදී තහවුරු වී තිබෙනවා.
