මෙල්බර්න් ශාන්ත කිල්ඩා වෙරළ තීරයේ පැවති අලංකාර ගස් කිහිපයක් ගිනි ගැනීම් ගැන පොලිසිය පරීක්ෂණ ආරම්භ කර තිබෙනවා.
ඊයේ රාත්‍රී 7.15ට පමණ එම ස්ථානයට ගිනි නිවන භටයින් කැඳවනු ලැබුවේ වෙරළ තීරයේ පිහිටි දශක ගණනාවක් පැරණි ගස් පෙළක් ගිනි ගැනීම හේතුවෙන්.
ඩොලර් ලක්ෂ ගණනක් වටිනා බෝට්ටු නැංගුරම්ලා ඇති මරීනා අසලට ද මෙම ගින්න පැතිර යා හැකි බවට බියක් මතුවී තිබුණා.
කෙසේ වෙතත් විනාඩි 20ක පමණ කාලයකදී ගින්න පාලනය කිරීමට ගිනි නිවන භටයින් සමත් වූ අතර පොලිසිය පැවසුවේ කිසිවෙකුටත් තුවාල සිදුවී නොමැති බවයි.
ගින්නෙන් ගස්වලට දැඩි හානි සිදුව ඇති බව සඳහන්.
අපරාධ ඒකකයේ විමර්ශන නිලධාරීන් මෙම ගිනි ගැනීම පිළිබඳ විමර්ශන සිදු කරන අතර තොරතුරක් දන්නා අයෙක් වෙතොත් අපරාධ මර්දන අංශයට දැනුම් දෙන ලෙසටයි ඉල්ලා සිටින්නේ.
