ඉක්මන් ලාභ අපේක්ෂාවෙන් ආයෝජනය කරන ජනතාවට පොලිසියෙන් උපදෙසක්

ඩොලර් මිලියන 1.5ක ක්‍රිප්ටෝ කරන්සි (Crypto currency) මුදල් ආයෝජන වංචාවක් සම්බන්ධයෙන් පුද්ගලයන් හතර දෙනෙකු අත්අඩංගුවට ගෙන තිබෙනවා.

ගෝල්ඩ් කෝස්ට් හි ක්‍රියාත්මක වූ බව කියන මෙම ව්‍යාපාරය මගින් 2018 සහ 2021 අතර කාලය තුළ පුද්ගලයින් 30 දෙනෙකුගෙන් පමණ මුදල් වංචා කර ඇති බවටයි අනාවරණ වී ඇත්තේ.

ක්වීන්ස්ලන්ඩ් පොලිසිය විසින් මෙම මුදල් වංචාව සම්බන්ධයෙන් වසර දෙකක පමණ විමර්ශනයකින් පසුව සැකකරුවන් අත්අඩංගුවට ගෙන තිබෙනවා.

Cryptocurrency ආයෝජන වංචාවලට අදාළව සමාගම් කිහිපයක වංචනික ක්‍රියාකාරකම් පිළිබඳව ද විමර්ශන අංශවල අවධානය යොමු වී ඇති බව පොලිසිය ප්‍රකාශ කළා.

වැරදිකරුවන් නීතිවිරෝධී අරමුදල්වල මූලාශ්‍රය වසන් කිරීම සඳහා වටිනා ලෝහ, සුඛෝපභෝගී මෝටර් රථ සහ දේපළ වෙළඳාම් සඳහා නීති විරෝධී මුදල් ආයෝජනය කර ඇති බවටයි චෝදනා එල්ලවී ඇත්තේ.

මුදල් විශුද්ධිකරණය සම්බන්ධයෙන් චෝදනා මත මෙලෙස අත්අඩංගුවට ගෙන ඇත්තේ වයස අවුරුදු 36,37 සහ 67 වයස්වල පසුවන කාන්තාවක් ඇතුළු පිරිසක්.

ඔවුන් සියලු දෙනා අද සවුත්පෝට් මහේස්ත්‍රාත් අධිකරණයට ඉදිරිපත් කිරීමට නියමිතයි.

වර්තමාන ආර්ථිකය තුළ ඉක්මන් ප්‍රතිලාභයක් දැකිය හැකි මූල්‍ය අවස්ථා සඳහා ආයෝජනය කිරීමට පෙර ඒ සම්බන්ධයෙන් සොයා බැලිය යුතු බවයි ක්වීන්ස්ලන්ඩ් පොලිසිය ජනතාවට දැනුම් දෙන්නේ.

අපේක්ෂිත ප්‍රතිලාභ මොනවාද සහ එහි ඇති අවදානම තේරුම් ගැනීමට ලියාපදිංචි මූල්‍ය සැලසුම්කරුවෙකුගෙන් වෘත්තීය උපදෙස් ලබා ගත යුතු බව ද පොලිසිය අවධාරණය කරනවා.

වෙසක් පොහොය දින වෙනුවෙන් සැමරුම් රැසක් නිව් සවුත්වේල්ස් ප්‍රාන්තයට භූ චලනයක් වික්ටෝරියා ප්‍රාන්තයෙන් හමුවූ කුරුළු උණ වෛරසය ගැන විශේෂ දැනුම්දීමක් ඔස්ට්‍රේලියාව තුළ රිය පැදවීමේදී ආහාර ගැනීමට ඇති නීතිමය අවසරය ගැන පැහැදිළි කිරීමක් ගෘහාශ්‍රිත සුරතල් සතුන් ගණන මිලියන 28ත් ඉක්මවා යයි

Read More »

වික්ටෝරියා ප්‍රාන්තයෙන් ඊයේ හමුවූ කුරුළු උණ ගැන අද විශේෂ දැනුම්දීමක්

ලෝකය පුරා පැතිර යන කුරුළු උණ වෛරසයට වඩා වික්ටෝරියා ප්‍රාන්තයෙන් හමුවී ඇති වෛරසයෙන් මහජනතාවට ඇති අවදානම අඩු බව නවතම සමික්ෂණ මගින් අනාවරණ වී තිබෙනවා.

Read More »

මැතිවරණ ප්‍රචාරක රැළියක වේදිකාවක් කඩා වැටී 9ක් ජීවිතක්ෂයට

උතුරු මෙක්සිකෝවේ මැතිවරණ ප්‍රචාරක රැලියක වේදිකාවක් කඩා වැටීමෙන් සිදු වූ අනතුරකින් පුද්ගලයන් 9 දෙනෙකු ජීවිතක්ෂයට පත්වී තිබෙනවා.

Read More »

සිංගප්පූරු ගුවන් යානයේ කැළඹීම ගැන ඇඩිලේඩ් යුවළක් විස්තර කරයි

සිංගප්පූරු ගුවන් සේවයේ යානයක් ඉහළ අහසේදී කැළඹීමකට හසුවීමේ අනතුර සිදුවූ අවස්ථාවේ එහි සිටි ඇඩිලේඩ් පදිංචි යුවළක් සිය අත්දැකීම් මෙන්ම එම අවස්ථාවේ දැනුණු හැඟීම් පිළිබඳ විස්තර කර තිබෙනවා.

Read More »