ඔස්ට්‍රේලියාවේ රියදුරන්ගෙන් මිලියන 417ක වාර්තා ගත දඩ මුදලක්

දකුණු ඔස්ට්‍රේලියාවේ මෝටර් රථ රියදුරන් වසර පහක කාලයක් තුල නියමිත වේග සීමා ඉක්මවා රිය ධාවනය හේතුවෙන් ඩොලර් මිලියන 417ක දඩ මුදලක් ගෙවා ඇති බව නව සංඛ්‍යාලේඛන පෙන්වා දෙනවා.

රෝයල් ඔටෝ මොබයිල් ඔෆ් සවුත් ඔස්ට්‍රේලියා (The Royal Automobile Association of South Australia) දත්තවලට අනුව පසුගිය වසර තුළ පමණක් අධික වේගයෙන් රිය පැදවීම සඳහා නිකුත් කර ඇති දඩ සංඛ්‍යාව 202,00ක්.

එම වැරදිවලින් අඩක් පමණ හඳුනාගැනීම සඳහා භාවිත කර ඇත්තේ වේග නිරීක්ෂණ කැමරා පද්ධති මගිනුයි.

නීති උල්ලංඝනය කිරීම්වලින් 14,000ක් නියමිත වේග සීමාවට වඩා කිලෝමීටර් 20ක් පමණ වේගයෙන් ධාවනය කිරීම සඳහා දඩ නියම වී තිබෙනවා.

දඩ මුදල්වලින් බහුතරය පැයට කිලෝමීටර් 10කින් වේගය ඉක්මවා ගිය රියදුරන්ට නිකුත් කර ඇති අතර, මංසන්ධිවල සහ පදික හරස් මාර්ගවල ඇති කැමරා මගින් වැරදි කරන රියදුරන් 60,000කට ආසන්න ප්‍රමාණයක් හඳුනාගෙන තිබූ බව සඳහන්.

පොලිස් කොමසාරිස් ග්‍රාන්ට් ස්ටීවන්ස් පැවසුවේ මෙම සංඛ්‍යා ලේඛණ මගින් අනෙක් රියදුරන්ට පණිවිඩයක් ලබා දෙනු ඇතැයි තමන් බලාපොරොත්තු වන බවයි.

අධික වේගයෙන් රිය පැදවීම අනතුරුවලට හේතු වන ප්‍රධාන කරුණු 5න් එකක් වන අතර දකුණු ඔස්ට්‍රේලියාවේ මාර්ගවල සිදුවන මරණවලින් තුනෙන් එකකට පමණ හේතු වී ඇත්තේ අධික වේගය බව ද සඳහන්.

මහ සයුර මැද අසාධ්‍ය වූ ධීවරයා බේරා ගත් හෙලිකොප්ටර් මෙහෙයුම

ධීවර කටයුතුවල නිරත වෙමින් සිටියදී සාගරයේ සිටින සර්ප විශේෂයක දෂ්ඨනයක් හේතුවෙන් අසාධ්‍ය තත්වයට පත්වූ ධීවරයෙකු ප්‍රතිකාර සඳහා හෙලිකොප්ටර් මගින් ගොඩබිම වෙත රැගෙන විත් තිබෙනවා.

Read More »

වික්ටෝරියා ප්‍රාන්තයට ගේන්න ගිය මුදල් තොගය මග නතර වෙයි

ගෝල්ඩ් කෝස්ට් සිට මිල්ජුරා (Mildura) දක්වා ගමන් කිරීමට නියමිතව තිබූ ගුවන් යානයකට ඩොලර් 830,000ක මුදල් රැගෙන යාමට උත්සාහ කළ බව කියන පුද්ගලයෙක් ආරක්ෂක අංශ විසින් අත්අඩංගුවට ගෙන තිබෙනවා.

Read More »