ඔස්ට්‍රේලියාවේ ජනගහන වර්ධනයට දායක වූ විදෙස් සංක්‍රමණිකයන්

ඔස්ට්‍රේලියාවට පැමිණෙන සංක්‍රමණික සේවකයින්ගේ සංඛ්‍යාව ඉහළ යාම ඔස්ට්‍රේලියාවේ ජනගහන වැඩිවීමට බොහෝ දුරට හේතු වී ඇතැයි අනාවරණ වී තිබෙනවා.

ඔස්ට්‍රේලියානු සංඛ්‍යාලේඛන කාර්යාංශයේ නවතම දත්තවලට අනුව පසුගිය 2023 වසරේ සැප්තැම්බර් මාසය වන විට රටේ ජනගහනය මිලියන 26.8ක් දක්වා පුද්ගලයින් 659,800 කින් වර්ධනය වී ඇති බවයි සඳහන් වන්නේ.

වේගයෙන්ම වර්ධනය වන ජනගහනය වාර්තා වන්නේ බටහිර ඔස්ට්‍රේලියාවේ වන අතර එය සියයට 3.3ක්.

වික්ටෝරියා ප්‍රාන්තයේ සියයට 2.9කින් ද, ක්වීන්ස්ලන්තයේ සියයට 2.7 කින් ද ජනගහනය ඉහළ ගොස් තිබෙනවා.

නිව් සවුත් වේල්ස්හි ජනගහනය සියයට 2.3කින් සහ ඕස්ට්‍රේලියානු අගනුවර ප්‍රදේශයේ සියයට 2.1 කින් ජනගහනය වැඩි වී ඇති බවයි වාර්තා වන්නේ.

ජනගහන වර්ධනයට සියයට 83ක්ම හේතු වී ඇත්තේ විදේශ සංක්‍රමණ වන අතර නව පැමිණීම් 548,800ක් සටහන් වී තිබෙනවා.

පසුගිය 2023 වසර හා සසඳන විට විදේශ සංක්‍රමණ සියයට 60කින් වර්ධනය වී ඇති අතර, ප්‍රධාන වශයෙන් රැකියා හෝ අධ්‍යාපනය සඳහා තාවකාලික වීසා බලපත්‍රයක් මත විදේශ සංක්‍රමණ පැමිණීම් වැඩි වී ඇතැයි සඳහන්.

ජනගහන වර්ධනයේ ඉතිරි සියයට 17 නව උපත් 111,000ක් හේතුවෙන් සිදුව ඇති අතර එය පෙර වසරට වඩා සියයට 3.9 කින් අඩු වීම විශේෂත්වයක්.

ත්‍රස්ත ක්‍රියාවක් බව කියන දේවස්ථානයේ පිහි ඇනුමට අවුරුදු 15ක ළමයෙක් අත්අඩංගුවේ

බටහිර සිඩ්නිහි පිහිටි ඕතඩොක්ස් ක්‍රිස්තියානි දේවස්ථානයකදී බිෂොප්වරයෙකුට සහ පුජකවරයෙකුට පිහියෙන් ඇනිමේ සිදුවීම සම්බන්ධයෙන් 15 හැවිරිදි පිරිමි ළමයෙකු අත්අඩංගුවට ගෙන තිබෙනවා.

Read More »

සිඩ්නි සාප්පු මධ්‍යස්ථානයේ සැකකරු මෙල්ල කළ අයෙකුට ඔස්ට්‍රේලියානු පුරවැසිභාවය හිමිවෙයි

බොන්ඩායි ජන්ෂන් හි සාප්පු මධ්‍යස්ථානයේ පිහි ඇනුමට පැමිණි සැකකරු මෙල්ල කර ගැනීමට ඔහු සමග සටන් කළ ප්‍රංශ ජාතික තරුණයාට ඔස්ට්‍රේලියානු පුරවැසිභාවය ලබාදීමට අග්‍රාමාත්‍ය ඇන්තනි ඇල්බනීස් පියවර ගෙන තිබෙනවා.

Read More »

මොලී යළිත් හිමිකරුවන් වෙත

ඉන්ස්ටග්‍රෑම් සමාජ මාධ්‍යයේ වඩාත් ජනප්‍රිය පක්ෂියකු වූ මොලී යළිත් හිමිකරුවන් වෙත භාර දීමට අධිකරණය නියෝගයක් නිකුත් කර තිබෙනවා.

Read More »

ඔස්ට්‍රේලියාවේ ගුරුවරුන් පිරිසක් වැඩ වර්ජනයකට සැරසෙයි

වැටුප් වැඩි කිරීම් ඇතුලු කොන්දේසි කිහිපයක් මුල් කර ගනිමින් වෘත්තීය ක්‍රියාමාර්ග වෙත එළඹෙන බව බටහිර ඔස්ට්‍රේලියාවේ ගුරු වෘත්තිය සංගම් පවසනවා.

Read More »