නිවාස කුලී ගැන ලතැවෙන අයට අලුත් බලාපොරොත්තුවක්

කුලී නිවාස හිමියන්ගේ අයිතීන් ආරක්ෂා කිරීම සඳහා යෝජිත නව නීති ක්වීන්ස්ලන්ඩ් ප්‍රාන්තයේ දේපල අලෙවි සමාගම් හෙළා දැක තිබෙනවා.

කෙසේවෙතත් මෙම පනත් කෙටුම්පත පාර්ලිමේන්තුවේ විවාදයට ගැනීමට පෙර රජයේ නිවාස කමිටුවක් මගින් විමර්ශනය කරන බවයි වාර්තා වන්නේ.

මෙම නව ප්‍රතිසංස්කරණ මගින් ඉඩම් හිමියන්ට කුලී ලංසු භාර ගැනීම හෝ වසරකට එක් වරකට වඩා වැඩි වාර ගණනක් කුලී ඉහළ නැංවීම ද වළක්වනු ඇති.

ක්වීන්ස්ලන්ත දේපල සමාගම් පවසන්නේ නව ආරක්ෂණ නීති තුළින් ඉඩම් හිමි ආයෝජකයින්ගේ විශ්වාසයට හානි කරන අතර කුලී ලංසු තැබීමට තිත තබන බවයි.

ක්වීන්ස්ලන්තයේ දේපළ වෙළඳාම් ආයතනයේ ප්‍රධාන විධායක ඇන්ටෝනියා මර්කොරෙල්ලා ප්‍රාන්ත පාර්ලිමේන්තුවට ඉදිරිපත් කරන ලද කුලී ප්‍රතිසංස්කරණ පනත් කෙටුම්පත හෙළා දැක තිබෙනවා.

යෝජිත ප්‍රතිසංස්කරණ මඟින් ඉඩම් හිමියන්ට සෑම මාස 12කට වරක්ම තම දේපළවල කුලී ඉහළ නැංවීමට පමණක් ඉඩ සැලසෙන අතර ලැයිස්තුගත මිලට වඩා වැඩි කුලී ලංසු පිළිගැනීමෙන් වළක්වනු ඇති.

ක්වීන්ස්ලන්ඩ් රජය පසුගිය වසරේ ජූලි මාසයේදී කුලී ප්‍රතිසංස්කරණ මාලාවක් ක්‍රියාත්මක කිරීමෙන් පසු ඇති වූ ගැටලු මග හරවා ගැනීම මෙම නව සංශෝධනයේ අරමුණ බවටයි ප්‍රකාශ වී ඇත්තේ.

රජයේ යෝජිත ප්‍රතිසංස්කරණ හොඳ පියවරක් වුව ද එමගින් කුලී නිවැසියන්ගේ අයිතිවාසිකම් ආරක්ෂා කිරීමට ප්‍රමාණවත් නොවන බවට ද චෝදනා එල්ල වනවා.

නිවාස සොයන අයට සහනයක් ගෙන එමින් බැංකු සහ මූල්‍ය ආයතනවලට නව නීති මාලාවක්

රජය විසින් ප්‍රකාශයට පත් කර ඇති ප්‍රතිසංස්කරණ හේතුවෙන් පොලී අනුපාත වෙනස්වීම් ඇතුලු කරුණු කිහිපයක් පිළිබඳව ගනුදෙනුකරුවන් දැනුවත් කිරීමට බැංකු බලධාරීන් පියවර ගෙන තිබෙනවා.

Read More »

සිඩ්නි දේවස්ථානයේ පිහි ඇනුමට සම්බන්ධ බාල වයස්කරුගේ දුකරථනයෙන් හමුවූ දේ

සිඩ්නි දේවස්ථානයක පිහි ඇනුමට සම්බන්ධ බාල වයස්කරුගේ දුරකථනයේ ඇති වීඩියෝ සහ ඡායාරූප දහස් ගණනක් පරීක්ෂා කිරීමට විමර්ශන නිලධාරීන් පියවර ගෙන තිබෙනවා.

Read More »

වලංගු ප්‍රවේශ පත්‍ර නොමැතිව ගිය පාසල් සිසුන්ට වෙච්චි දේ

පර්ත් සහ ඒ අවට ප්‍රදේශවල වලංගු ප්‍රවේශ පත්‍රයක් නොමැතිව පොදු ප්‍රවාහනය භාවිත කිරීමේ චෝදනා මත ට්‍රාන්ස්පර්ත් (Transperth) විසින් පාසල් සිසු සිසුවියන් 1300කට වැඩි පිරිසකට දඩ නියම කර තිබෙනවා.

Read More »

ඔස්ට්‍රේලියාවේ රැකියා කරන අයගෙන් වැඩි පිරිසක් සේවය හැර යාමේ සූදානමක්

එළඹෙන වසර තුළ ඔස්ට්‍රේලියානුවන්ගෙන් සියයට 30කට වැඩි පිරිසක් සිය රැකියාවෙන් ඉවත් වීමට ඉඩ ඇති බව නව පර්යේෂණයකින් අනාවරණ වී තිබෙනවා.

Read More »