අන්තර්ජාලයෙන් එන අලුත් අනතුරක් ගැන දෙමව්පියන්ට දැනුම්දීමක්

අන්තර්ජාලය හරහා සිදු වන අපයෝජනවලින් යොවුන් පරපුර ආරක්ෂා කිරීම සඳහා ආරක්ෂක අංශවල විශේෂ අවධානය යොමු වී තිබෙනවා.

අන්තර්ජාලය සහිත උපාංග තුලින් ළමයින් අන්තර්ජාලය ඔස්සේ සිදු වන අපයෝජනයන්ට නිරාවරණය වන බැවින් සයිබර් ආරක්ෂාවට ප්‍රමුඛත්වය දෙන ලෙසටයි ක්වීන්ස්ලන්ඩ් පොලිසිය දෙමාපියන්ගෙන් ඉල්ලා ඇත්තේ.

අධ්‍යාපන ආයතනයක් විසින් කරන ලද පර්යේෂණයකට අනුව සෑම දරුවන් තිදෙනෙකුගෙන් එක් අයෙකුටම තම නිදන කාමරය තුළ දෙමාපිය අධීක්‍ෂණයකින් තොරව අන්තර්ජාලයට සම්බන්ධ උපකරණයක් භාවිතා කිරීමට හැකි බව හෙළිවී තිබෙනවා.

රහස් පරීක්ෂක ක්‍රිස් ටූහේ පවසන්නේ ළමා අපයෝජන පොදු ප්‍රවාහනයේ දී හෝ මාර්ගයේදී පමණක් සිදු නොවන බව දෙමාපියන් සහ දරුවන් දැනුවත් විය යුතු බවයි.

ළමයින්ට ඔවුන්ගේ උපාංග රැගෙන නිදන කාමරයට යාමට ඉඩ දීම අපයෝජකයන්ට නිදන කාමරවලට ආරාධනා කිරීමක් බවයි රහස් පරීක්ෂකවරයා පෙන්වා දෙන්නේ.

ඔහුගේ ළමා ආරක්ෂණ විමර්ශන කණ්ඩායම පසුගියදා ක්වීන්ස්ලන්ඩ් හි සන්ෂයින් වෙරළ තීරයේදී ළමා අපයෝජන චෝදනා 100 කට වැඩි ප්‍රමාණයක් සම්බන්ධයෙන් පුද්ගලයෙකු අත්අඩංගුවට ගෙන තිබුණා.

31 හැවිරිදි එම සැකකරු බාලවයස්කාර දැරියන් අන්තර්ජාලය ඔස්සේ හඳුනාගෙන ඔවුන් හමුවීමට කිලෝමීටර් සිය ගණනක් දුර ගෙවා බුන්ඩබර්ග් සහ ග්ලැඩ්ස්ටන් වෙත ගොස් ඇති බවයි පොලිසිය චෝදනා කරන්නේ.

බලධාරීන් පෙන්වා දෙන්නේ මෙම අවදානම මැඩලීමට කටයුතු කරමින් පැවතුන ද එහි සාර්ථකත්වය සමාජ මාධ්‍ය ආයතන හිමිකරුවන් ඇත රඳා පවතින බවයි.

පසුගිය වසරේ මෙවර ඔස්ට්‍රේලියානු අන්තර්ජාල ආරක්ෂක කොමසාරිස් විසින් ළමා ලිංගික සූරාකෑම, අපයෝජනය සහ ලිංගික කප්පම් ගැනීම් සම්බන්ධයෙන් Google, Twitter, TikTok, Discord ඇතුලු ආයතන වෙත නීතිමය වශයෙන් ද දැනුම්දී තිබුණා.

සිඩ්නි වෙස්ට්ෆීල්ඩ් සාප්පු සංකීර්ණයේ පිහි ඇනුමෙන් 7ක් ජීවිතක්ෂයට

සිඩ්නි හි නැගෙනහිර වෙස්ට්ෆීල්ඩ් බොන්ඩි හන්දියේ සාප්පු මධ්‍යස්ථානයේදී සිදු වූ පිහි ඇනුමෙන් සහ වෙඩි තැබීමෙන් ප්‍රහාරකයා ඇතුලු පුද්ගලයන් 7දෙනෙකු මියගොස් තිබෙනවා.

Read More »

සිඩ්නි සාප්පු සංකීර්ණයේ පිහි ඇනුමෙන් 4ක් ජීවිතක්ෂයට පත්වී ඇතැයි තොරතුරු

සිඩ්නි වෙස්ට්ෆීල්ඩ් හි සාප්පු සංකීර්ණයක සිදු වූ පිහි ඇනුම් සහ වෙඩි තැබීමේ සිදුවීම හේතුවෙන් පුද්ගලයන් 4 දෙනෙකු මියගොස් ඇතැයි වාර්තා වනවා.

Read More »

සිඩ්නි සාප්පු සංකීර්ණයක පිහි ඇනුමක් සහ වෙඩි තැබීමක්

සිඩ්නි නැගෙනහිර ප්‍රදේශයේ වෙස්ට්ෆීල්ඩ්හි සාප්පු මධ්‍යස්ථානයක් තුළ සිදු වූ පිහි ඇනුමක් සහ වෙඩි තැබීමකින් පසු ජනතාවට ඉවත්වන ලෙසට දැනුම් දී තිබෙනවා.

Read More »

සංක්‍රමණිකයන්ගේ බවට සැක කෙරෙන මළ සිරුරු දෙකක් හමුවෙයි

නිව් සවුත්වේල්ස් ප්‍රාන්තයේ කන්ටේනරයක තිබී පුද්ගල මළ සිරුරු දෙකක් සොයා ගැනීමෙන් පසු පොලිසිය විශේෂ පරීක්ෂණයක් ආරම්භ කර තිබෙනවා.

Read More »