සංචාරක ශ්‍රී ලංකා කණ්ඩායම සහ බංග්ලාදේශ කණ්ඩායම අතර පැවැති අවසන් එක්දින තරගය කඩුලු 4කින් ජය ගැනීමට බංග්ලාදේශ කණ්ඩායම සමත් විය.
ඒ අනුව තරග 03 කින් සමන්විත එක්දින තරගාවලිය 2ට 1ක් ලෙස ජයගැනීමට බංග්ලාදේශය සමත් වුණා
අද (18) තරගයේ කාසියේ වාසිය දිනා පළමුව පන්දුවට පහරදුන් ශ්‍රී ලංකා කණ්ඩායමට සිය පන්දු ඕවර 50දී රැස්කළ හැකි වූයේ සියලුදෙනා දැවී ලකුණු 235ක් පමණියි.
එහිදී ශ්‍රී ලංකා ඉනිමේ වැඩිම ලකුණු ලාභියා වූයේ ජනිත් ලියනගේ වන අතර ඔහු නොදැවී 101ක් රැස් කළා
නායක කුසල් මෙන්ඩිස් ලකුණු 29ක් රැස් කළ අතර චරිත් අසලංක ලකුණු 37ක් රැස් කළා.
පන්දු යැවීමේ බංග්ලාදේශ කණ්ඩායම වෙනුවෙන් තස්කින් අහමඩ් කඩුලු 03ක් දවා ගත්තා.
තරග ජය ගැනීම සඳහා ලකුණු 236ක ඉලක්කයක් හඹාගිය බංග්ලාදේශ ක්‍රීඩකයෝ පන්දු ඕවර 40.2 කදී තරගය ජයග්‍රහණය කිරීමට සමත්වූණා.
එහිදී තන්සිඩ් හසන් ලකුණු 84ක් රැස්කළ අතර මුස්ෆිකූර් රහීම් නොදැවී ලකුණු 37ක් රැස්කළා
රිෂාඩ් හොසේන් නොදැවී ලකුණු 48ක් රැස් කළේ පන්දු 18කින්
පන්දු යැවීමේදී ශ්‍රී ලංකා කණ්ඩායම වෙනුවෙන් ළහිරු කුමාර කඩුලු 04ක් දවාගත්තා.
