ශ්‍රී ලංකාවේදී ලෝක කුසලාන තරගාවලියක් බලන්න අවස්ථාව

2026 වසරේ පැවැත්වෙන 20-20 ලෝක කුසලාන තරගාවලියේ සම සත්කාරකත්වය ශ්‍රී ලංකාවට සහ ඉන්දියාවට හිමිවී තිබෙනවා.

මේ අනුව ශ්‍රී ලංකාව සහ ඉන්දියාව එම 20-20 ලෝක කුසලානයට සෘජුව සුදුසුකම් ලබන බවයි ජාත්‍යන්තර ක්‍රිකට් කවුන්සිලය නිවේදනය කළේ.

ඩුබායිහිදී පැවති අධ්‍යක්ෂ මණ්ඩල රැස්වීමේදී ජාත්‍යන්තර ක්‍රිකට් කවුන්සිලය විසින් සම සත්කාරකත්වය සඳහා ඉන්දියාව සහ ශ්‍රී ලංකාව අනුමත කර තිබෙනවා.

2026 වසරේ 20 -20 ලෝක කුසලානය කණ්ඩායම් 20ක සහභාගීත්වයෙන් පැවැත්වීමට නියමිත අතර ඊට කණ්ඩායම් 12ක් සෘජුව සුදුසුකම් ලබනවා.

ඉතිරි කණ්ඩායම් 8 කලාපීය සුදුසුකම් ලැබීමේ තරගවලින් තෝරා ගැනෙනු ඇති.

ශ්‍රී ලංකාව අවසන් වරට 2012 වසරේදී T20 ලෝක කුසලාන ක්‍රිකට් තරගාවලියකට සත්කාරකත්වය ලබාදී තිබෙනවා.

එම තරගාවලියේ දී ශ්‍රී ලංකාවට හිමි වූයේ අනුශුරතාවයයි.

මේ අතර 2024 20-20 ලෝක කුසලානය සඳහා 2022 වසරේ පැවති තරගාවලියේ හොඳම කණ්ඩායම් අට සහ සම සත්කාරක රටවල් දෙක සුදුසුකම් ලබා ගනු ලැබුවා. ඉතිරි කණ්ඩායම් දෙක තෝරා ගනු ලැබුවේ T20 කණ්ඩායම් ශ්‍රේණිගත කිරීම්වල හොඳම කණ්ඩායම් අතරිනුයි.

මේ අතර 2031 වසර දක්වා වූ කාලය තුළ ජාත්‍යන්තර ක්‍රිකට් කවුන්සිලය විසින් එක්දින ලෝක කුසලාන 02ක්, විස්සයි20 ලෝක කුසලාන 04ක් හා ශූරයන්ගේ කුසලාන 02ක් පැවැත්වීමට සැලසුම් කර තිබෙනවා.

මෙම තරගාවලි සඳහා රටවල් 14ක් සත්කාරකත්වය දරන අතර ඉන් රටවල් 03ක් ම ටෙස්ට් වරම් නොමැති රටවල් වීම විශේෂත්වයක්.

රෝගී සැමියා අවසන් ගමන් යවන්න හැදූ බිරිඳට වැඩ වරදී

ඩිමෙන්ශියා රෝගයෙන් පෙළුණු තම සැමියා එන්නතක් ශරීර ගත කර ඝාතනයට තැත් කළ කාන්තාවක් පිළිබඳ පුවතක් බටහිර ඔස්ට්‍රේලියාවෙන් වාර්තා වනවා.

Read More »

තරුණයන්ට දුම් පානය කිරීමට නොහැකි වෙන නව නීතියක්

2009 වසරෙන් පසු උපත ලැබූ ඕනෑම අයෙකුට දුම්පානය තහනම් කිරීමට නීති සම්පාදනය කෙරෙන පනත් කෙටුම්පතට එක්සත් රාජධානියේ නීති සම්පාදකයින් සහාය දක්වා තිබෙනවා.

Read More »

අවුරුදු ගීතයක් විකෘති කළ රාජ්‍ය සේවකයෙක් අත්අඩංගුවට

ප්‍රවීණ ගායන ශිල්පී රෝහණ බැද්දගේ ශුරීන්ගේ අලුත් අවුරුදු ගීතයක් විකෘත කිරීමේ චෝදනා මත සුරාබදු නිලධාරියෙකු පොලිස් අත්අඩංගුවට ගෙන තිබෙනවා.

Read More »

තමාම නිර්මාණය කර ගත් සොහොන් බිමේ අවසන් ගමන් යන පාලිත තෙවරප්පෙරුම

අභාවප්‍රාප්ත හිටපු නියෝජ්‍ය අමාත්‍ය පාලිත තෙවරප්පෙරුමගේ දේහය පිළිබඳ අවසන් කටයුතු ලබන සෙනසුරාදා ඔහු විසින්ම නිර්මාණය කර ගත් සුසාන භූමියේදී සිදු කිරීමට නියමිත බව පවුලේ ඥාතීන් පවසනවා.

Read More »

කාන්තාවන්ගේ මූලික අවශ්‍යතාවයක් බදුවලින් නිදහස් කරන්නැයි ඉල්ලීම්

බ්‍රිතාන්‍ය කාන්තාවන්ගේ යට ඇඳුම් සහ සනීපාරක්ෂක තුවා සඳහා බදු මුදල් අය කිරීම සාධාරණ නොවන බවට සමාජ කතිකාවක් නිර්මාණය වී තිබෙනවා.

Read More »