නිව් සවුත් වේල්ස් ප්‍රාන්තයේ අද දිනයේ කොරෝනා රෝගීන් 18ක් වාර්තා වීමත් සමඟ තවදුරටත් කොරෝනා නීති දැඩි කෙරේ.
නිව් සවුත් වේල්ස් ප්‍රාන්තයේ සෞඛ්‍ය බලධාරීන් විසින් ප්‍රජා සම්ප්‍රේෂණයෙන් නව COVID-19 රෝගීන් 18 ක් වාර්තා කිරීමත් සමඟ ප්‍රාන්තය පුරා කොරෝනා නීති දැඩි කිරීමට තීරණය ගත් බවට නිව් සවුත් වේල්ස් අගමැති අද දින ප්‍රවෘත්ති සාකච්ඡාවේදී නිවේදනය කළාය.
ඒ අනුව, අද මධ්‍යම රාත්‍රියේ සිට වැඩිදුර දැනුම් දීමක් සිදු වන තුරු සිඩ්නි නුවර, Central Coast, Wollongong සහ Nepean Blue Mountains ප්‍රදේශවල එක් නිවසකට උපරිම අමුත්තන් සංඛ්‍යාව 10 සිට 5 දක්වා අඩු කර ඇත.
එම කලාපයේ එළිමහන් එළිමහනේ රැස්වීමට හැකි උපරිම පුද්ගලයින් ගණන 50 සිට 30 දක්වා අඩු කරන ලදී.
සිඩ්නි හි උතුරු වෙරළ කලාපයේ එක් නිවසකට උපරිම අමුත්තන් සංඛ්‍යාව 5 දෙනෙකු වන අතර එළිමහනේ රැස්වීමට හැකි උපරිම පුද්ගලයින් ගණන පස් දෙනෙකු වේ.
සිඩ්නි ප්‍රදේශයේ සියලුම නේවාසික වයස්ගත සත්කාරක පහසුකම් අවම වශයෙන් ජනවාරි 6 වන තෙක් අමුත්තන්ට ඉඩ දීම නතර කර ඇත.
කෙසේ වෙතත්, කාලගුණ විද්‍යා කාර්යාංශය හෙට සිට අලුත් අවුරුද්ද දක්වා තද වැසි ඇති බවට පුරෝකථනය කර ඇති අතර අලුත් අවුරුදු උදාව සඳහා නිවසේ රැඳී සිට විනෝද වන ලෙසට සෞඛ්‍ය නිලධාරීන් ජනතාවගෙන් ඉල්ලා සිටී.
(ABCNews)
