දකුණු ඔස්ට්‍රේලියාවේ පෙර පාසල් අධ්‍යාපන කාලයෙන් පසුවද ළදරු රැකවරණ අවස්ථා පුලුල් කල යුතු බවට නිර්දේශ මාලාවක් ඉදිරිපත් කර තිබෙනවා.
පූර්ව ළමාවිය අධ්‍යාපනය සහ රැකවරණයට අදාළ ප්‍රතිසංස්කරණ වෙනුවෙන් ප්‍රාන්තයේ පාලක ලේබර් පක්ෂය විසින් පත්කල රාජකීය කොමිසම විසිනුයි මෙම නිර්දේශ ලබාදී ඇත්තේ.
හිටපු අගමැතිනියක වන ජුලියා ගිලාඩ් විසින් ප්‍රධානත්වය දරන මෙම කොමිසමේ අවසන් වාර්තාව ඊයේ ප්‍රකාශයට පත් කෙරුණු අතර අතුරු වාර්තාවක් මීට මාස කිහිපයකට පෙර නිකුත් කෙරුණා.
ඒ අනුව සතියකට පැය 15 ත් 30 ත් අතර කාලයක් අඩු ගාස්තු පෙර පාසල් අධ්‍යාපනය ලබාදිය යුතු බවට වන යෝජනාව දැනටමත් ක්‍රියාත්මක කිරීම ආරම්භ කර ඇති අතර 2032 වසර වනවිට එය අවසන් කිරිමට නියමිතයි.
දැනට මේ හා සමාන වැඩපිළිවෙල 02 ක් ක්‍රියාත්මක කරනු ලබන්නේ වික්ටෝරියා සහ නිවු සවුත් වේල්ස් ප්‍රාන්තවල පමණයි.
දැනට සියයට 24 ක් ලෙස පවතින දකුණු ඔස්ට්‍රේලියාවේ අඩු ආර්ථික පවුල් නියෝජනය කරන පෙර පාසල් දරුවන්ගේ ප්‍රතිශතය සියයට 15 දක්වා අඩු කිරීමද ඊයේ නිකුත් කල වාර්තාවේ ප්‍රධාන නිර්දේශයක්.
