පසුගිය වසරේ බදු වැඩිවීමෙන් ඔස්ට්‍රේලියානු කම්කරුවන් දැඩි පීඩාවකට පත් වූ බව ආර්ථික සහයෝගීතාවය සහ සංවර්ධනය සඳහා වූ සංවිධානය පවසනවා.
සංවර්ධිත රටවල් අතුරින් විශාලතම බදු අය කෙරෙන රටවල් ප්‍රකාශයට පත් කරමිනුයි ඔවුන් මෙම නව දත්ත හෙළි කර ඇත්තේ.
ඔස්ට්‍රේලියාවේ, සමාජ ආරක්ෂණ ගෙවීම් සේවකයා විසින් නොගෙවන අතර සමාජ ආරක්ෂණය සම්පූර්ණයෙන්ම ගෙවනු ලබන්නේ ආදායම් බද්ද මගිනුයි.
නමුත් ඇතැම් සංවර්ධිත රටවල ඉහළ ආදායම් බදු අනුපාතයක් ඇති අතර ඊට ඉහලින් සමාජ ආරක්ෂණ ගෙවීමක් ද පවතිනවා.
බෙල්ජියම ඉහළම බදු අනුපාතය සහ සමාජ ආරක්ෂණ ගෙවීම් සහිත රටක් වන අතර බෙල්ජියමේ සේවකයන් උපයන දළ වැටුපෙන් සියයට 39.9ක් බදු සහ සමාජ ආරක්ෂණය වෙනුවෙන් ගෙවනු ලබනවා.
ඔස්ට්‍රේලියාව ඉහළම බදු අනුපාතයක් සහිත සංවර්ධිත රටවල් ලැයිස්තුවේ 6 වන ස්ථානයේ සිටින අතර සාමාන්‍ය ඔස්ට්‍රේලියානුවෙක් වැටුපෙන් සියයට 24.9ක් ආදායම් බද්ද වෙනුවෙන් ගෙවන බව සඳහන්.
කෙසේ වෙතත්, ඔස්ට්‍රේලියාව වෙනම සමාජ ආරක්ෂණ මුදලක් නොගෙවන බැවින් එම මුළු මුදලම ලබා ගනු ලබන්නේ ආදායම් බද්ද මගිනුයි.
දකුණු කොරියානුවන් මෙම ලයිස්තුවේ 16 වන ස්ථානයේ සිටින අතර ඔවුන්ගේ වැටුපෙන් සියයට 16.2ක් බදු හෝ සමාජ ආරක්ෂණය හරහා රජයට ආපසු ගෙවනු ලබනවා.
එම ගෙවීම් වලින් සියයට 9.4ක් සමාජ ආරක්ෂණය සඳහා පමණක් වන බව සඳහන්.
