ෆෙඩරල් රජයේ අයවැය ගැන අලුත් බලාපොරොත්තුවක්

ෆෙඩරල් රජය ලබන සතියේ ඉදිරිපත් කිරීමට නියමිත අයවැයෙන් නව නිවාස ඉදිකිරීම සඳහා අතිරේක ආයෝජනයක් ලෙස ඩොලර් බිලියන ගණනක් ලබා දෙනු ඇති බවට වාර්තා වනවා.

2030 වසර වන විට නව නිවාස මිලියන 1.2ක් ඉදිකිරීමේ පොරොන්දුව ඉලක්ක කරගෙන ඇති බැවින් ෆෙඩරල් රජය මෙවර අයවැයෙන් නව නිවාස ඉදිකිරීම සඳහා අමතර ආයෝජනයක් ලබා දෙනු ඇති බවයි විචාරකයන් පෙන්වා දෙන්නේ.

ගෘහස්ථ ප්‍රචණ්ඩත්වයට ලක්වූ කාන්තාවන් සහ ළමුන්ගේ නවාතැන් වෙනුවෙන් අතිරේක ඩොලර් බිලියන 1ක් වැය කිරීමට නියමිත බව සඳහන්.

අගමැති ඇන්තනි ඇල්බනීස් ඊයේ පැවති කැබිනට් රැස්වීමේදී එකඟ වී ඇත්තේ නිවාස ඉදිකිරීම සහ අලුත්වැඩියා කිරීම සඳහා වසර පහක් පුරා ප්‍රාන්ත සහ ප්‍රදේශ වෙත ඩොලර් බිලියන 9.3ක් ලබා දීමටයි.

නිවාස ගොඩනැගීමේ ක්‍රියාවලිය වේගවත් කිරීම සඳහා මහා මාර්ග, මලාපවහන පද්ධති, බලශක්ති සහ ජල සැපයුම් මෙන්ම අනෙකුත් ප්‍රජා යටිතල පහසුකම් ඉදිකිරීම සඳහා තවත් ඩොලර් බිලියන 1ක් ප්‍රාන්ත සහ ප්‍රදේශ වෙත ලබා දෙනු ඇති.

නිවාස අර්බුධය එක් තදාසන්න ප්‍රදේශයක්, නගරයක් හෝ ප්‍රාන්තයක ගැටළුවක් නොවන අතර සෑම තැනකම ඔස්ට්‍රේලියානුවන් මුහුණ දෙන අභියෝගයක් බැවින් ඊට සෑම මට්ටමකින්ම රජයේ ක්‍රියාමාර්ග අවශ්‍ය වන බව අගමැතිවරයා ප්‍රකාශ කළා.

නිවාස අමාත්‍ය ජුලී කොලින්ස් පැවසුවේ නව අරමුදල් හේතුවෙන් ඔස්ට්‍රේලියානුවන්ට ඇති දැඩි පීඩනය ලිහිල් වනු ඇති බවයි.

විදෙස් රටක අතරමං වූ ඔස්ට්‍රේලියානුවන් රැගෙන එන්න රජයෙන් සැලසුමක්

නිව් කැලිඩෝනියාවේ අර්බුධකාරී වාතාවරණය හේතුවෙන් අතරමංව සිටින ඔස්ට්‍රේලියානුවන් මව් රටට ගෙන ඒමට රජය විශේෂ වැඩසටහනක් ආරම්භ කර තිබෙනවා.

Read More »

විරෝධතාකරුවන් පිරිසක් අදත් මෙල්බන්වල කලබලයක් කරන්න සූදානම් බවට තොරතුරු

පලස්තීන හිතවාදී ආධාරකරුවන් මෙල්බන්හි වික්ටෝරියානු කම්කරු පක්ෂ සමුළුවට බලහත්කාරයෙන් කඩා වැදීමෙන් පසු දෙවන දිනටත් විරෝධතා ව්‍යාපාරයක් ආරම්භ කිරීමේ සැලසුමක් ඇතැයි වාර්තා වනවා.

Read More »

ඔස්ට්‍රේලියාවේ තරුණ කණ්ඩායම් අවදානමක

ත්‍රස්තවාදී කණ්ඩායම්වලට සාමාජිකයන් බඳවා ගන්නන් විසින් ඔස්ට්‍රේලියානු තරුණයන් රැඩිකල් මතවාදවලට හුරු කරන ආකාරය පිළිබඳ ත්‍රස්ත විරෝධී විශේෂඥයෙකු අනතුරු අඟවා තිබෙනවා.

Read More »

වික්ටෝරියා ප්‍රාන්තයට අලුත් නීතියක් ගේන්න අගමැතිනිය සූදානමින්

සිල්ලර වෙළඳසල්, ආගන්තුක සත්කාර හෝ ප්‍රවාහනය වැනි සේවාවන් ලබා ගන්නා ගනුදෙනුකරුවන් විසින් එම සේවාවන් ලබාදෙන සේවකයින් හිංසනයට පත් කිරීමේ සිදුවීම්වලට එරෙහිව නව නීති හඳුන්වා දීමට වික්ටෝරියානු රජය සැලසුම් කර තිබෙනවා.

Read More »