ඔස්ට්‍රේලියාවේ කාන්තා හිංසනයට එරෙහි ප්‍රචණ්ඩත්වය නතර කරන ලෙස බලකරමින් අද කැන්බරාහි විරෝධතා ව්‍යාපාරයක් පැවැත්වෙනවා.
ඊට අග්‍රාමාත්‍ය ඇන්තනි ඇල්බනිස් ද එක්වනු ඇති බවටයි අපේක්ෂා කෙරෙන්නේ.
මේ වසරේ ගත වූ කාලසීමාව තුළ කාන්තාවන් 26 දෙනෙකු ඝාතනය කර ඇති බවට තොරතුරු වාර්තා වී තිබෙනවා.
ඊයේ සිඩ්නි, ඇඩිලේඩ් සහ හොබාර්ට්හි පැවති විරෝධතාවලට ද දහස් ගණනක් සහභාගී වූ බවයි පැවසෙන්නේ.
මේ දක්වා කාන්තාවන් 26 දෙනෙකුගේ ජීවිත බිලිගෙන ඇති ප්‍රචණ්ඩකාරී ක්‍රියා වැලැක්වීමට නිශ්චිත ක්‍රියාමාර්ගයක් ගන්නා ලෙසට විරෝධතාකරුවන් එහිදී ඉල්ලා තිබෙනවා.
අද කැන්බරා හි පැවැත්වෙන විරෝධතාවයකට අගමැති ඇන්තනි ඇල්බනීස් සහභාගී වීමට අපේක්ෂාවෙන් සිටින අතර මෙම සති අන්තයේ රැලි 15ක් පමණ රට පුරා පැවැත් වීමට නියමිතයි.
