එංගලන්ත කණ්ඩායමේ වේගපන්දු යවන්නෙකු වන ජිමී ඇන්ඩර්සන් ටෙස්ට් පිටියට සමූදීමට සුදානම් වන බවට වාර්තා වනවා.
කණ්ඩායමේ ප්‍රධාන පුහුණුකරු වන බ්‍රෙන්ඩන් මැකලම් සමඟ සාකච්ඡා කිරීමෙන් පසු සුපිරි පන්දු යවන්නා මෙම තීරණයට එළඹ ඇති බවයි සඳහන් වන්නේ.
ලොව වැඩිම ටෙස්ට් කඩුලු සංඛ්‍යාවක් දවාගෙන සිටින වේගපන්දු යවන්නෙකු වන ජිමී ඇන්ඩර්සන් ටෙස්ට් තරග 187කදී කඩුලු 700ක් දවාගෙන තිබෙනවා.
විදෙස් මාධ්‍ය වාර්තා කර ඇත්තේ ඇන්ඩර්සන්ගේ තීරණය හේතුවෙන් එළඹෙන ටෙස්ට් තරගාවලිය සඳහා එංගලන්තය නවක, තරුණ වේගපන්දු යවන්නන් කෙරෙහි අවධානය යොමු කරනු ඇති බවයි.
එංගලන්ත පුහුණුකරු බ්‍රෙන්ඩන් මැකලම් විසින් ඇන්ඩර්සන්ට මේ බව දැනුම් දී ඇතැයි ද වාර්තා වනවා.
2003 වසරේදී ටෙස්ට් වරම් ලැබූ ජිමී ඇන්ඩර්සන් මේ වනවිට 42 හැවිරිදි වියේ පසු වනවා.
