ලබන වසරේ මාර්තු 09 වනදා ඇඩිලේඩ් හිදී පැවැත්වෙන A-league පාපන්දු තරගාවලියේ Adelaide United කණ්ඩායමට එරෙහි තරගාවලිය නැරඹීමට Melbourne Victory කණ්ඩායමේ ආධාරකරුවන්ට පණවා තිබූ තහනම ඉවත් කර තිබෙනවා.
ඔවුන්ට ප්‍රවේශපත්‍ර මිළදී ගැනීම පවා අත්හිටුවන බවටයි තරග සංවිධායකයන් මීට පෙර නිවේදනය කර සිටියේ.
ඒ අනුව Adelaide United කණ්ඩායමේ ආධාරකරුවන්ට සහ දකුණු ඔස්ටේ්‍රලියානු තැපැල් කේතයක් හිමි පුද්ගලයන්ට පමණක් ප්‍රවේශපත්‍ර මිළදී ගත හැකි බවට නිවේදනය කෙරුණා.
කෙසේවෙතත් මෙම නිවේදනය නිකුත් කර පැය කිහිපයක් ගතවීමට පෙර අදාළ තහනම ඉවත් කර ගන්නා බවයි ඇඩිලේඩ් තරග සංවිධායකයන් දන්වා සිටියේ.
පසුගිය තරග වාරයේදී මෙම කණ්ඩායම් 02 අතර පැවති තරගය අතරතුර කළහකාරීව හැසිරුණු ප්‍රේක්ෂකයන් පිරිසක් හේතුවෙන් තරග විනිසුරුවරයෙකුද තුවාල ලැබුවා.
