නොමිලේ ලබා දිය යුතු ඇතැම් සෞඛ්‍ය සේවා සඳහා ඖෂධ අලෙවිසැල් සහ ෆාමසිවලින් මුදල් අයකර ගැනීම ආරම්භ කර ඇති බවට චෝදනා එල්ල වනවා.
රුධිර පීඩනය පරීක්‍ෂා කිරීම්, වයස්ගත පුද්ගලයින් සඳහා සත්කාර සැපයීම සහ ඖෂධ බෙදාහැරීම් ඇතුළු නොමිලයේ සැපයිය යුතු සේවා සඳහා මෙලෙස ගාස්තු අයකරගන්නා බව සඳහන්.
මාස 02 ක බෙහෙත් වට්ටෝරු සඳහා එක් මාසයක මුදල පමණක් අය කිරීමේ ලේබර් පක්ෂ අයවැය යෝජනාව ලබන පළමුවනදා සිට බලාත්මක වනවා.
ෆාමසි හිමියන් චෝදනා කරන්නේ මෙමගින් සිය ව්‍යාපාරවල ආදායම අඩුවන අතර සේවක වැටුප් ගෙවා ගැනීම පවා අසීරු විය හැකි බවයි.
ඖෂධ සඳහා වු අධික වියදම මෙන්ම කාර්ය මණ්ඩල නඩත්තුවත් සමග ඇතැම් සේවා නොමිලයේ සැපයීම තවදුරටත් අපහසු බවයි ෆාමසි හිමියන් පෙන්වා දෙන්නේ.
කෙසේවෙතත් ෆෙඩරල් රජය අවධාරණය කරන්නේ ආර්ථික අපහසුතා ඇති රෝගීන්ට ඖෂධ වියදම් සඳහා ගාස්තු සහනයක් සැලසීමේ අරමුණ ඇතිව අදාළ අයවැය යෝජනාව ක්‍රියාත්මක කරනු ලැබු බවයි.
