සේවා රාජකාරි අතරතුරදී සේවකයෙකුගේ ඇගිලි 04 ක් අහිමිවීමේ සිද්ධියකට අදාළව වික්ටෝරියා ප්‍රාන්තයේ නිෂ්පාදන ආයතනයකට ඩොලර් 40,000 ක දඩයක් නියම කර තිබෙනවා.
මෙල්ටන් හි ස්ථාපිත ආයතනයක මෙම සිදුවීම සිදුවී තිබුනේ පසුගිය වසරේ ඔක්තෝබර් මාසයේදීයි.
අදාළ සේවකයාට අහිමිවු ඇගිලි 04 න් නැවත සවිකිරීමට හැකිවී ඇත්තේ ඇගිලි 02 ක් පමණක් බවයි Worksafe Victoria විසින් ගොණුකල පැමිණිල්ලේ සඳහන් වූයේ.
අදාළ සැත්කමට වැයවූ ඩොලර් 6,478 ක මුදල ද ගෙවන ලෙසයි සන්ෂයින් මහේස්ත්‍රාත් අධිකරණය විසින් නියම කලේ.
මෙම ආයතනය තුළ ආරක්ෂිත ක්‍රමවේද පවතින නමුත් ඒවා නිසි ලෙස අනුගමනය වී නොමැති බවටයි චෝදනා එල්ල වන්නේ.
