නවසීලන්තයේ ජනාකීර්ණම නගරය වන ඕක්ලන්ඩ් නගරයේදී ආයුධ සන්නද්ධ පුද්ගලයෙකු සිදුකල වෙඩි තැබීමකින් පුද්ගලයන් දෙදෙනෙකු මියගොස් තවත් 06 දෙනෙකු තුවාල ලබා තිබෙනවා.
ඉදිකිරීම් පරිශ්රයක සිදුකල මෙම වෙඩි තැබීමට සම්බන්ධ පුද්ගලයාද පොලිස් වෙඩි පහරින් මරණයට පත් වී ඇති බවයි එරට වාර්තා සඳහන් කලේ.
මෙය තනි පුද්ගලයෙකු විසින් කල ප්රහාරයක් පමණක් බවත් ජාතික ආරක්ෂාවට තර්ජනයක් නොමැති බවත් නවසීලන්ත අගමැති ක්රිස් හිප්කින්ස් අවධාරණය කලා.
කාන්තා ලෝක කුසලානයේ සමාරම්භක තරගය ඕක්ලන්ඩ් නුවරදී ආරම්භවීමට පැය කිහිපයක් තිබියදීයි මෙම වෙඩි තැබීම සිදුවී ඇත්තේ.
එම තරග කිසිදු බාධාවකින් තොරව පැවැත්වෙන බවටද නවසීලන්ත අගමැතිවරයා සහතික වනවා.
