මෙල්බර්න්හි මැක්ඩොනල් අවන්හලක් අසල සිදු වූ පිහි ඇනුමකින් තුවාල ලැබූ පුද්ගලයෙකු රෝහල් ගත කර තිබෙනවා.
පොලිසිය සඳහන් කළේ මෙම පිහි ඇනුමෙන් අදාළ පුද්ගලයාගේ ජීවිතයට තර්ජනයක් විය හැකි තුවාල ලබා ඇති බවයි.
අද උදෑසන 6 ට පමණ තුවාල ලැබූ පුද්ගලයෙකු පිළිබඳ ලැබුණු තොරතුරකට අනුව හදිසි සේවා කණ්ඩායම් සෙන්ට් ඇල්බන්ස්හි ක්ෂණික ආහාර අලෙවිසැලේ රථගාලට පැමිණ තිබුණා.
මෙතෙක් අනන්යතාව හෙළිකරගෙන නොමැති මෙම පුද්ගලයා සිරුරේ පහළ කොටසේ බරපතල තුවාල සහිතව සොයාගෙන ඇති අතර මෙල්බර්න් රෝහල වෙත රැගෙන ගොස් තිබෙනවා.
පොලිසිය සැක කරන්නේ මෙම පුද්ගලයා තවත් අයෙකු සමග ඇති කර ගත් ආරවුලක් හේතුවෙන් මෙලෙස පිහි ඇනුමට ලක්ව ඇති බවටයි.
සිද්ධියට අදාළ සැකකරුවන් කිසිවෙකුත් මෙතෙක් හඳුනාගෙන හෝ අත්අඩංගුවට ගෙන නැහැ.