සංක්‍රමණික ශ්‍රමිකයින්ගේ ශ්‍රමය සූරා කෑම වැළක්වීම සඳහා ෆෙඩරල් රජය විසින් සකස් කල නීති ප්‍රතිසංස්කරණ පාර්ලිමේන්තුවට ඉදිරිපත් කිරීමට පියවර ගෙන තිබෙනවා.
මෙම යෝජිත වෙනස්කම් මගින් යමෙකුට ඔවුන්ගේ වීසා කොන්දේසි කඩ කරන ලෙස බල කිරීම සාපරාධී වරදක් බවට පත් කෙරෙනු ඇති.
තාවකාලික වීසා මත සිටින සංක්‍රමණිකයින්ගේ ශ්‍රමය සූරා කන ලද සේවා යෝජකයින්ට දඩුවම් වැඩි කිරීමට මේ හරහා බලතල හිමිවනවා.
ශ්‍රමය සූරාකෑමේ හැසිරීම් පැමිණිලි කරන පුද්ගලයින්ගේ පැමිණිලි නොසලකා හරින සංක්‍රමණ නීතියේ කොටසක් ද මේ හරහා අවලංගු වනු ඇති.
මෙම නීති සම්මත වුවහොත් ඔස්ට්‍රේලියානු ඉතිහාසයේ පළමු වරට, සංක්‍රමණික සේවකයින්ට ඔවුන්ට සිදුවන වැටුප් අක්‍රමිකතා ආරක්ෂිතව පැමිණිලි කළ හැකිවීම විශේෂත්වයක්.
වීසා අවදානමකින් තොරව ඔවුන් සූරාකන සේවා යෝජකයන්ගෙන් ඉවත්වීමටද මේ හරහා අවස්ථාව පවතිනවා.
මෑත කාලීන සංක්‍රමණිකයන් හය දෙනෙකුගෙන් එක් අයෙකුට ඔස්ට්‍රේලියාවේ අවම වැටුපට වඩා අඩු මුදලක් ගෙවන බවටයි හෙළිවී ඇත්තේ.
වීසා සඳහා වන සේවා යෝජක අනුග්‍රාහකයින් අතර රැකියාවක් මාරු කිරීමට අදාළ අවසර ලත් කාලය දින 60 ත් 90 ත් අතර සිට දින 180 දක්වා දීර්ඝ කිරීමට ද මෙම යෝජිත නීති හරහා මධ්‍යම රජය සූදානම් වනවා.
(SBS)
