ලබන සතියේදී සිඩ්නි නගරයට පැමිණෙන ඉන්දීය අගමැති නරේන්ද්‍ර මෝදි වෙනුවෙන් ඔස්ට්‍රේලියාවේ වාසය කරන ඉන්දියානුවන් විසින් දැවැන්ත පිළිගැනීමේ උත්සවයක් සංවිධාන කර තිබෙනවා.
පැය 03 කට ආසන්න කාලයක් පුරා දිවෙන නැටුම් ගැයුම් වැයුම් ඇතුළත් සංදර්ශනයක්ද ඊට අයත්.
සිඩ්නි ඔලිම්පික් පාර්ක් හිදී පැවැත්වෙන මෙම උත්සවය සඳහා 20,000 කට ආසන්න පිරිසක් සහභාගී වනු ඇති බවටයි ගණන් බලා ඇත්තේ.
මෙම උත්සවයට සහභාගීවීම සඳහා වෙනත් නගරවල සිටින ඉන්දියානුවන් විසින් වෙනම කුළී ගුවන් යානා පවා වෙන් කරවාගෙන ඇති බවයි පැවසෙන්නේ.
ක්වඩ් රාජ්‍ය නායක සමුලුව ලබන 24 වනදා සිඩ්නි නුවරදී ආරම්භවීමට නියමිත වුවද ජපාන අගමැතිවරයා සහ අමෙරිකා ජනාධිපතිවරයා ඊට නොපැමිණිම හමුවේ එම සමුලුව අවලංගු කිරීමටයි අගමැති ඇන්තනී ඇල්බනීස් පියවර ගනු ලැබුවේ.
එහෙත් ඉන්දීය අගමැති නරේන්ද්‍ර මෝදි නියමිත පරිදි මෙරටට පැමිණෙනු ඇති.
