Jobseeker දීමනාව සම්බන්ධයෙන් විපක්ෂ ලිබරල් සන්ධානය ඉදිරිපත් කර ඇති යෝජනාව සාර්ථක නොවන බවට සමීක්ෂණයකදී බහුතරයක් පවසා තිබෙනවා.
Jobseeker දීමනාව සති 02 කට ඩොලර් 40 කින් ඉහළ නැංවීමටයි මෙවර අයවැයෙන් ෆෙඩරල් රජය යෝජනා කරනු ලැබුවේ.
කෙසේවෙතත් ඒ වෙනුවට රැකියා කල හැකි පැය ගණන ඉහළ දැමීම සහ ඊට අදාළ කප්පාදු නතර කරන ලෙසයි විපක්ෂ නායක පීටර් ඩට්න් විසින් යෝජනා කර ඇත්තේ.
දැනට පවතින නීතිය අනුව කිසියම් Jobseeker දීමනා ලාභියෙකු හෝ සහකරු සති 02 කට ඩොලර් 150 ට වඩා උපයන්නේ නම් දීමනා කප්පාදුවක් බලාත්මක වනවා.
එබැවින් ඔවුන්ට සතියකට අමතර පැය 05 ක් හෝ සති 02 කට පැය 10 ක් අමතර සේවය කිරීමට අවසර දෙන්නැයි විපක්ෂ නායකවරයා විසින් රජයෙන් ඉල්ලා සිටියා.
එහෙත් එම යෝජනාවට බහුතරයක් සහය පළනොකරන බවයි නවකම සමීක්ෂණ වාර්තාවක දක්වා ඇත්තේ.
