සිඩ්නි නගරයේ අවන්හල් අතුරින් සැළකිය යුතු සංඛ්‍යාවක් සේවකයන්ට නිසි පරිදි වැටුප් නොගෙවන බවට Fair work කොමිසම විසින් සිදුකල ගවේෂණයකදී අනාවරණය වී තිබෙනවා.
ව්‍යාපාරික ස්ථාන 47 ක් පිළිබඳ සිදුකල විමර්ශනයකදී එයින් සියයට 77 ක් පමණ නියමිත වැටුප් ගෙවා නොමැති බවටයි තහවුරු කරගෙන ඇත්තේ.
ඒ අනුව සමස්තයක් ලෙස එම ආයතන 47 හි පමණක් සේවකයන් 333 දෙනෙකුට වැටුප් ගෙවා ඇත්තේ අඩුවෙන් බව හෙළිකරගෙන තිබෙනවා.
ඔවුන් සියලු දෙනා ඉතා අඩු වයස්වල පුද්ගලයන් බවයි පැවසෙන්නේ.
සිඩ්නි නගරයට අමතරව බ්‍රිස්බන් – මෙල්බන් – හෝබාට් සහ පර්ත් නගරවලද මීට සමාන පරීක්ෂා සිදුකර ඇති අතර ඒ අනුව ඩොලර් 240,000 කට ආසන්න දඩ පණවා ඇති බවයි Fair work කොමිසම නිවේදනය කලේ.
