මගී ප්‍රවාහන නෞකාවකින් ඇද වැටීමෙන් අතුරුදන්වූ ඔස්ට්‍රේලියානුවා සෙවීමේ සෝදිසි මෙහෙයුම් නතර කර තිබෙනවා.
හවායි දූපත්වලට කිලෝමීටර් 1400 ක් පමණ දුරින් ගමන් කරමින් තිබූ නෞකාවකින් ඇද වැටීමෙන් මෙලෙස මියගොස් ඇත්තේ බ්‍රිස්බන් හි පදිංචි 35 හැවිරිදි අයෙකුයි.
නෞකා කාර්ය මණ්ඩලය සහ අමෙරිකානු වෙරළාරක්ෂක බලකාය විසින් සෝදිසි මෙහෙයුම් ක්‍රියාත්මක කරනු ලැබුවද අවසානයේ අතහැර දමා තිබෙනවා.
අදාළ නෞකාව පසුගිය අප්‍රේල් 12 වනදා බ්‍රිස්බන් වරායෙන් පිටත්ව අද දිනයේදී හොනලූලූ වරාය දක්වා සේන්දු වීමටයි නියමිතව තිබුණේ.
මෙම සිදුවීම පිළිබඳව නෞකා සමාගමද කණස්සල්ල පළ කර තිබෙනවා.
